Kimlər insan alverinin qurbanı ola bilər? - HÜQUQİ MAARİFLƏNDİRMƏ

 

Oxu24.com oxuculara hüquqi yardım layihəsini davam etdirir.

Bu dəfə təqdim etdiyimiz mövzu insan alveri ilə bağlıdır.

İnsan alveri nədir?

İnsan alveri – yəni zor tətbiq etmək hədəsi ilə və ya zor tətbiq etməklə, hədə-qorxu və ya digər məcburetmə vasitələri ilə, oğurlama, dələduzluq, aldatma yolu ilə, təsir imkanlarından və ya zəiflik vəziyyətindən sui-istifadə etməklə, yaxud digər şəxsə nəzarət edən şəxsin razılığının alınması üçün maddi və sair nemətlər, imtiyazlar və ya güzəştlər verməklə və ya almaqla, şəxsin istismar edilməsi məqsədi ilə cəlb edilməsi, əldə edilməsi, saxlanılması, gizlədilməsi, daşınması, verilməsi və ya qəbul edilməsidir.

İnsan alverinin halları hansılardır?

: - Məcburi əmək; - Cinsi istismar; - Köləlik; - Köləliyə bənzər adətlər və onlardan irəli gələn asılılıq vəziyyəti; - İnsan orqanlarının və toxumalarının qanunsuz transplantasiyası; - Şəxs üzərində qanunsuz biotibbi tədqiqatların aparılması; - Qadının surroqat ana kimi istifadə edilməsi; - Qanunsuz, o cümlədən cinayətkar fəaliyyətə cəlb etmə və s.

Kimlər insan alverinin qurbanı ola bilər?

- İşsizlər; Miqranlar; Təhsildən yayınanlar; Avaralıqla və dilənçiliklə məşğul olanlar; Səfillər, kimsəsizlər və baxımsızlar; Əxlaqsız həyat tərzi sürənlər; Əqli cəhətdən anlaqsız vəziyyətdə olanlar; İçki, narkotika və psixotrop maddələrdən asılı olanlar və s.

 

Miri Məcidli