Azərbaycanlı jurnalist Günay Arda Türkiyə Sənətçilər Birliyinin Bursa təmsilçisi seçilib. Təmsilçiliyin rəhbəri açılış mərasimində hər kəsə tədbirə qatıldığı üçün təşəkkür edib.

Yeni layihələrlə bağlı açıqlama verən xanım jurnalist türk dünyasının mədəniyyət paytaxtı Şuşa ilə bağlı yaxın zamanlardakı planlarından da bəhs edib.

Qarşılıqlı səfərlər və Şuşanı türk dünyasına daha da yaxından tanıtmaq hədəf götürülüb. Hədəf həm də ortaq dəyərləri birləşdirməkdir.

Eyni zamanda sənətçiləri bir araya gətirib Bursada önəmli tədbirlər həyata keçirmək də prioritetlərdir. Qarşıdakı günlərdə Bursa iş adamları ilə də görüşüb müzakirələr aparılacaq. Onların bu proseslərə yardımçı olmalarına çalışılacaq.