Rusiyanın paytaxtı Moskvada Federal Təhlükəsizlik Xidmətinin təqaüddə olan 76 yaşlı general-mayoru Yevgeni Lobaçev ölü tapılıb. 

Bu barədə məlumatı öz mənbələrinə istinadən “TASS” yayıb. 

Məlumata görə, Lobaçev intihar edib. Hazırda faktla bağlı araşdırma aparılır. 

Bildirilir ki, Lobaçevin cəsədi iyulun 20-si Moskvanın mərkəzində evlərdən birinin pilləkənində aşkar olunub. Cəsədin yanında silah da tapılıb. 

Qeyd olunub ki, bu yaxınlarda general-mayorun həyat yoldaşı istintaq orqanlarına müraciət edib və ərinin gəzintiyə çıxdığını, lakin geri dönmədiyini bildirib.  

Mənbənin məlumatına görə, Yevgeni Lobaçev ağır xəstəlikdən əziyyət çəkib. Generalın maliyyə problemlərinin də olduğu bildirilir.