Özünü ölmüş kimi göstərən iş adamının məzarından görüntülər - VİDEO - FOTO

Ötən həftə özünü ölmüş kimi qələmə verərək, istintaqdan yayınan "Kaspian İnşaat MB" MTK-nın rəhbəri Rafət Qəniyevin saxlanılması barədə xəbər vermişdik.

Dələduzluqda təqsirləndirilərək saxlanılan R. Qəniyev barədə bir sıra yeni detallar əldə edilib.

Əldə etdiyimiz məlumata görə, Rafət Qəniyev özünün "KİA" markalı avtomobilini içərisinə qoyduğu heyvan sümükləri ilə birgə yandırıb yoxa çıxdıqdan sonra həmin sümüklər onun qohumlarına təqdim edilib. Qohumları da sümüklərin Rafətə məxsus olduğunu düşünərək onu hətta basdırıblar. Rafət Qəniyevin heyvansümüklərindən ibarət "cəsəd"i Salyan rayonu Sarvan kəndində, onun dünyasını dəyişən qohumlarının məzarlarının yanında dəfn edilib.

Dəfndə R. Qəniyevin 16 və 18 yaşlı oğlanları, həyat yoldaşı və bacı-qardaşları iştirak edərək, "mərhum"a dualar oxuyublar.

OXU24.COM xəbər verir ki, lent.az həmin məzarın fotolarını əldə edib.

Həmin fotoları təqdim edirik: