Rusiyanın Kirov şəhərində yarıçılpaq bir “kişi” körpəsi olan uşaq arabasını qadının əlindən almağa cəhd edib.

OXU24.COM xəbər verir ki, RenTV-nin məlumatına görə, hadisə çoxmərtəbəli binanın həyətində baş verib.

Bildirilir ki, şortikli şəxs uşağı ilə gedən ananın yanından qaçaraq qəfildən onu tutub və uşaq arabasını götürmək istəyib. Yoldan keçənlər köməyə gəliblər.

Qadını azad etmək üçün üç nəfərin səyi lazım olub. Hücum edən şəxs hərəkətsizləşdirilib, bundan sonra polis və təcili yardım çağırılıb.

Polis həmin şəxsi saxlamayıb, gələn təcili tibbi yardıma təhvil verib.