Polşada koronavirus pandemiyasının üçüncü dalğası başlayıb.

Oxu24.com “RİA Novosti”yə istinadən xəbər verir ki, bu barədə Polşanın səhiyyə naziri Adam Nedzelski Varşavada mətbuat konfransında deyib.

“Biz artıq Polşada üçüncü dalğanın başladığını deyə bilərik”, – deyə Nedzelski bildirib.

O qeyd edib ki, son zamanlar ölkədə koronavirusa yoluxanların sayı artır. Ölkədə epidemiyanın başlanğıcından 1 623 218 nəfər koronavirusa yoluxub, 41 823 nəfər isə dünyasını dəyişib.