Leyla Əliyeva Qaraçuxur İdman Zalının açılışında iştirak edib - FOTO
16 Noyabr 2026, 22:30
Qaynar xətt:
(+99450) 247 90 86
CƏMİYYƏT
490
27.10.2026, 20:59
Rəqəmsal İnkişaf və Nəqliyyat Nazirliyinin tabeliyində fəaliyyət göstərən Milli Kibertəhlükəsizlik Agentliyi (MKA) “WhatsApp” və “WhatsApp Business” istifadəçilərinin hesablarının kiberdələduzlar tərəfindən ələ keçirilməsi hallarının artması ilə bağlı xəbərdarlıq edib. Agentlik mövcud risklərin azaldılması üçün vətəndaşları təxirəsalınmaz təhlükəsizlik tədbirləri görməyə çağırıb.
Oxu24.com xəbər verir ki, bu barədə MKA məlumat yayıb.
İstifadəçilərə aşağıdakı vacib təhlükəsizlik tədbirlərini görmək tövsiyə edilir:
· Bağlı cihazları dərhal yoxlayın. Tətbiqdəki “Bağlı cihazlar” bölməsinə daxil olaraq tanımadığınız bütün cihazlardan çıxış edin, çünki hesabınız öz telefonunuzda işləsə belə, başqa cihazdan istifadə oluna bilər.
· İkimərhələli təsdiqləməni aktivləşdirin. Ayarlar bölməsindən hesabınıza əlavə qorunma qurun və bərpa üçün təhlükəsiz elektron poçt ünvanı əlavə edin.
· Kodları heç kimlə paylaşmayın. SMS təsdiq, cihaz bağlama və təhlükəsizlik PIN-kodunu başqalarına verməyin, həmçinin özünüz başlatmadığınız giriş sorğularını təsdiqləməyin.
· QR-kodlara və saxta bildirişlərə qarşı diqqətli olun. “Hesabınız bağlanacaq”, “biznes hesabınızı təsdiqləyin” və ya “dəstək xidməti” adı ilə gələn saxta keçidlərə etibar etməyin, QR-kodları yalnız rəsmi platformalar üzərindən skan edin.
· Tətbiqi və telefonu yenilənməmiş saxlamayın. “WhatsApp” və “WhatsApp Business”i yalnız rəsmi tətbiq mağazalarından quraşdırın, bildirişləri açıq saxlayaraq yeni cihaz bağlantılarına nəzarət edin.
· Biznes hesabına çıxışı ciddi nəzarətdə saxlayın. Yalnız səlahiyyətli əməkdaşların cihazlarını bağlı saxlayın və işdən ayrılan şəxslərin çıxış hüquqlarını dərhal ləğv edin.
· Şübhəli halda dərhal tədbir görün. Müdaxilə şübhəsi varsa naməlum cihazlardan çıxış edin, girişi itirmisinizsə, nömrəni rəsmi tətbiqdə yenidən qeydiyyatdan keçirin və əlaqələrinizi adınızdan gələ biləcək saxta tələblərə qarşı xəbərdar edin.
Unutmayın ki, təkcə ikimərhələli təsdiqləməni aktivləşdirmək mövcud icazəsiz girişi avtomatik aradan qaldırmır, buna görə də bağlı cihazların ayrıca yoxlanılması mütləqdir.
22:30 / 16 Noyabr 2026
31
22:25 / 16 Noyabr 2026
47
22:21 / 16 Noyabr 2026
57
22:10 / 16 Noyabr 2026
75
21:59 / 16 Noyabr 2026
54
21:52 / 16 Noyabr 2026
92
21:46 / 16 Noyabr 2026
63
21:35 / 16 Noyabr 2026
104
21:30 / 16 Noyabr 2026
1209
21:24 / 16 Noyabr 2026
73
21:16 / 16 Noyabr 2026
84
21:01 / 16 Noyabr 2026
125
20:56 / 16 Noyabr 2026
99
20:54 / 16 Noyabr 2026
99
20:52 / 16 Noyabr 2026
148
20:46 / 16 Noyabr 2026
95
20:44 / 16 Noyabr 2026
628
20:34 / 16 Noyabr 2026
102
20:30 / 16 Noyabr 2026
94
20:19 / 16 Noyabr 2026
88
20:13 / 16 Noyabr 2026
154
20:07 / 16 Noyabr 2026
947
20:00 / 16 Noyabr 2026
472
© 2026 Oxu24.com Müəllif hüquqları qorunur.