Hicablı qadınlara cəmiyyətdə heç bir ayrı- seçkiliyin kiçik bir elementi belə yoxdur

CƏMİYYƏT

256

09.10.2026, 17:39

Xəbərlərimizi Google-da izləyin

Yeniliklərdən dərhal xəbərdar olun

Hicab problemini böhran həddinə gətirmək Azərbaycanın dünyəvi dövlət quruluşuna qarşı planlaşdırılan ideoloji təxribatlar silsiləsində bir halqadır.

Bunu Oxu24.com-a açıqlamasında “Şərq” qəzetinin baş redaktoru, Əməkdar jurnalist Akif Aşırlı bildirib.

"Öncələr də belə aksiyalar, çağrışlar olub, hay- küy yaradılıb , amma qısa bir vaxtda vəziyyət normallaşıb. İndi vəziyyət bir qədər fərqlidir.Məsələni böhran həddinə gətirib, vətəndaş itaətsizliyi yaratmaq yalnız ölkə daxilindəki xarici təsir agentlərinin, Qumdan təlimat alan qüvvələrin tək işi deyil , Azərbaycanı şəriət dövlətinə çevirmək niyyəti güdən və vaxtaşırı bu yöndə çəhdlər edən İranın niyyətidir. Bilinməlidir ki, Azərbaycanda hicab qadağası yoxdur, vahid məktəbli formasının tətbiq olunması tələbi var və bu normal qarşılanmalıdır. Küçədə, iş yerlərində, ailələrdə hicablı qadınlara , dini inanclılara cəmiyyətdə heç bir ayrı- seçkiliyin kiçik bir elementi belə yoxdur. Ancaq bu tələblər dövlət təhsil müəsisələrinə aiddir. Çünki bizim Ana Yasamızda Din Dövlətdən ayrıdır. Dövlət öz Ana Yasasındakı müddəalara sahib çıxır. Azərbaycana qarşı yönələn, sosial media şəbəkələrində qaldırılan iftiralara , təhdidlərə, yalançı təbliğat kampaniyalarına qarşı milli birliyimizi , sakin duruşumuzu itirməməliyik. Qısaca, biz şəriət dövləti istəmirik, Azərbaycan Xalq Cümhuriyyətini quran babalarımızın dövlət modelini dəyişmək yalnız kimlərinsə puç olacaq xəyallarında yaşayacaq",-deyə A.Aşırlı bildirib.

Nigar

Həmçinin oxuyun