Bakıda yeni kanat yolları necə görünəcək? – AÇIQLAMA  

Bakı şəhərinin nəqliyyat infrastrukturunun təkmilləşdirilməsi istiqamətində mühüm addımlar atılır. Prezident İlham Əliyev “Bakı Metropoliteni” ilə bağlı fərmana dəyişiklik edib. Qərara əsasən, qurumun fəaliyyəti təkcə ənənəvi metro xəttləri ilə məhdudlaşmayacaq. Belə ki, “Bakı Metropoliteni” sərnişin kanat yolları ilə bağlı xidmətlərin təşkilində də yaxından iştirak edəcək. Paytaxtın relyefinə uyğun olaraq alternativ nəqliyyat növünün tətbiqi şəhər sakinləri və qonaqlar üçün böyük rahatlıq yaradacaq. Şəhərsalma baxımından böyük əhəmiyyət daşıyan bu yenilik paytaxtın ümumi görkəminə yeni nəfəs gətirəcək. Bununla belə, yeni kanat yollarının tətbiqi zamanı memarlıq və estetik uyğunluğun qorunması əsas müzakirə mövzularından biridir.

Mövzu ilə əlaqədar Oxu24.com-a danışan tanınmış memar Cahid Həsənov layihənin detallarını geniş şəkildə şərh edib.

Memar Cahid Həsənov: "Kanat yollarının dizaynı şəhərin ümumi ahəngi ilə harmoniya təşkil etməlidir"

Mövzu ilə bağlı fikirlərini bölüşən memar Cahid Həsənov bildirib ki, nəhayət ki, Bakı şəhərinin içində də kanat yollarının tətbiqi məsələsi reallaşmaqdadır.

Onun sözlərinə görə, bu prosesdə diqqət mərkəzində olmalı olan ikinci mühüm mərhələ kanatların həm özünün dizayn forması, həm də şəhərin hansı prospektindən və yaxud hansı küçələrindən keçəcəyi ilə birbaşa bağlıdır.

Memar xüsusilə vurğulayıb ki, kanat xəttlərinin keçəcəyi həmin ərazidə mövcud olan tikililər, hətta tarixi memarlıq abidələri ilə ümumi ahəng və harmoniya mütləq şəkildə qorunmalıdır:

“Layihələndirmə və inşaat işləri zamanı bu məqamların nəzərə alınması paytaxtın tarixi və müasir memarlıq simasının qorunub saxlanılması baxımından son dərəcə vacibdir”.

Bütövlükdə, Bakı Metropoliteninin fəaliyyət dairəsinin genişləndirilməsi və paytaxtda yeni sərnişin kanat yollarının yaradılması şəhərin nəqliyyat yükünü azaltmaqla yanaşı, turizm potensialını da gücləndirə bilər.

Lakin mütəxəssislərin də qeyd etdiyi kimi, bu cür irimiqyaslı urbanistik layihələr həyata keçirilərkən yalnız texniki və logistik üstünlüklər deyil, həm də şəhərin memarlıq ansamblı, estetik görkəmi və tarixi irsi hərtərəfli nəzərə alınmalıdır.

Memar Cahid Həsənovun vurğuladığı kimi, yeni infrastruktur elementləri paytaxtın mövcud tikililəri ilə mükəmməl bir harmoniya təşkil etdikdə, şəhərsalma baxımından ən uğurlu nəticə əldə olunacaqdır.

Çimnaz Telmanqızı

Həmçinin oxuyun

Titanikdən xilas oldu, amma xalqı onu “qorxaq” adlandırdı – Masabumi Hosononun faciəli taleyi  

Bakıda yeni kanat yolları necə görünəcək? – AÇIQLAMA  

Azərbaycanda pul bazası 579 milyon manat ARTDI – İqtisadçı AÇIQLADI  

Nazirlər Kabineti müəllimlərlə bağlı QƏRAR VERİB