Nobelçi Şoloxovu müalicə edən azərbaycanlı həkim NƏLƏRİ DANIŞDI?

NOBELÇİ M.ŞOLOXOVU MÜALİCƏ EDƏN HƏKİM NƏLƏRDƏN DANIŞDI?!

  30 ildən çoxdur tanıdığım,  həmişə "doktor" deyə çağırdığım Nizami həkimlə bugünkü tədadüfi görüş və "nə var-nə yox" söhbəti çay mərasimi ilə davam etdi. 

Oxu24.com xəbər verir  ki,bu barədə professor Qulu Məhərrəmli paylaşım edib.

Professor yazır ki,Nizami Məmmədov ölkədə  tanınmış mahir cərrahdır,  nüfuzlu tibb alimi və bu sahə üzrə ixtiraçıdır. Bakıda Tibb institutunu bitirdikdən sonra uzun müddət Rusiyada həkimlik edib, 24-25 yaşlarından cərrahi əməliyyatlar aparıb, cərrahlıqda ilk müəllimi olan alman əsilli Ziqfrud  Taubesdən "qanundan qorxsan yenilikçi olmayacaqsan" tövsiyyəsini alıb. 

Taleyin hökmü ilə 1981-də Rostov vilayətinin Bokovski rayonunda çalışarkən o bölgə ilə qonşuluqda-Veşinskidə yaşayan məşhur yazıçı, Nobel mükafatı laureatı , əfsanəvi Mixail Şoloxovu da müayinə etməli, onunla dəfələrlə ünsiyyətdə bulunmalı olub. Özünü rus deyil, türk sayan böyük yazıçıdan "həyatda azadlığını heç nəyə dəyişmə" tövsiyəsini eşidib. 

 Doktor 90-cı illərdən sonra dəvətlə Azərbaycana qayıdıb, həkimliyini edib, yüzlərlə cərrahi əməıiyyat aparıb, dərs deyib, ixtiraçılığıını da davam etdirib. Hər işdə də təmənnasız və düz olub, çünki həmişə belə hesab edib ki, dürüst olmaq insan ləyaqətinin zirvəsidir. 

 Amma Nizami həkimin şikayətləri də var: məmur bürokratiyasından, təhsilin vəziyyətindən, hər yerdə qeyri-peşəkarların artmasından, elmə və istedadlı adamlara qayğısızlıqdan, özünə olan qısqanclıqdan, diqqətsizlikdən, yaxşılara qiymət verilməməsindən, vəzifə adamlarının təmənnalı olmasından. Məsələn, deyir ki,  Azərbaycanda etdiyim " Enqid -N" adlı yeni qida texnolojisi ixtirama qiymət verilmir. "Mən bunun patentini almışam, 3 klinikada uğurla tətbiq etmişəm, amma heç kim dəyər verib kütləvi istehsala qol qoymaq istəmir. Bilmirəm ki, qorxaqdırlar, yoxsa umacaqları var? Halbuki bu xüsusi maddənin istehsalı minlərlə insana şəfa verər və kütləvi işlənən yeni  qida məhsulu ola bilər"- deyə o bildirir.

 Nizami həkim başqa şeylərdən də danışdı, cərrahiyyədəki yeni üsullardan, etdiyi sonuncu "bağırsaq keçməzliyi" əməliyyatından, üzərində işlədiyi immunitet gücləndirən preparatlardan bəhs etdi. 

  Doktor danışırdı... və mən üzləşdiyi çoxsaylı çətinliklərə baxmayaraq onun nikbinliyini itirməməsinə heyran olurdum... heç səsində də  ümidsizlik yox idi... 

UĞURLAR, DƏYƏRLİ DOKTOR!

Hazırladı: Nigar

Həmçinin oxuyun

Prezidentdən yubileyində orden alan deputatın DOSYESİ

Azərbaycanda bu xidmət PULSUZ OLDU  —  Milli Məclisin qərarı

Prezident bu xanımla bağlı SƏRƏNCAM İMZALADI 

Toyda xalaoğlular arasında  düşən dava qətlə səbəb oldu  —  DETALLAR