3 oktyabrda bizi nələr gözləyir?   —  ULDUZ FALI

Qoç

İşlərdə təşəbbüs göstərmək, əvvəllər alınmayan işlərə girişmək üçün ən münasib zamandır. Başqalarının uğursuzluğa düçar olduğu sahədə nəzərəçarpacaq irəliləyiş əldə etmək şansınız var. İdeyalarınızı yaxınlarınızla çəkinmədən bölüşün, düşündüklərinizi həyata keçirməkdə sizə mütləq kömək edəcəklər.

İşdə isə hər şey o qədər də problemsiz getməyəcək: həmkarlarınız və rəhbərliklə kiçik fikir ayrılıqları mümkündür. Lakin çox keçmədən hamı sizin haqlı olduğunuzu qəbul edəcək. Sizdən isə əsəbiləşməmək və hətta ən çətin söhbətləri belə sakit və konstruktiv şəkildə aparmaq tələb olunacaq.

Buğa

Günün əvvəli ünsiyyət baxımından kifayət qədər gərgin olacaq. Bu vaxt həm yaxın insanlarla, həm həmkarlarla, həm də rəhbərliklə dil tapmaq çətin olacaq. Fikir ayrılıqları və hətta qızğın mübahisələr mümkündür. Məsələni ciddi münaqişə həddinə çatdırmamaq vacibdir.

Günün ikinci yarısında müsbət tendensiyaların təsiri güclənəcək və bu vaxt xeyli sakit və xoş keçəcək. Ailə tədbirləri, yaxınlarla ünsiyyət, sevdiyiniz insanla birlikdə kiçik səfərlər üçün münasib olacaq.

Əkizlər

Günün əvvəlində diqqəti işlərə cəmləmək kifayət qədər çətin olacaq. Bu bürcün bir çox nümayəndəsi həmin vaxt xırda məsələlərə görə narahat olacaq, istənilən əhəmiyyətsiz hadisəni ürəyinə salacaq. Bəzi Əkizlər planlarını dəyişməli və günün ikinci yarısına nəzərdə tutduqları bəzi görüşləri təxirə salmalı olduqları üçün məyus olacaqlar.

Lakin çox narahat olmağa, xüsusən də təşvişə düşməyə dəyməz, çünki çox keçmədən müsbət tendensiyaların təsiri güclənəcək. Əsas vəzifəniz səhvlərə yol verməmək və reputasiyası sizdə ən kiçik şübhə belə doğuran insanlarla özünüzü ciddi öhdəliklərlə bağlamamaqdır. Münasibətlərdə seçici olmaq bir çox xoşagəlməz səhvlərdən qaçmağa kömək edəcək.

Xərçəng

Səhər bir çox Xərçəng müsbət əhval-ruhiyyəni qorumaq üçün səy göstərməli olacaq. Yaxın insanlarla münasibətlərin asan olmayacağı istisna deyil: bir-birinizə qarşı müəyyən iradlar yaranacaq, o qədər də xoş olmayan mövzuları müzakirə etmək lazım gələcək.

Günün ikinci yarısı xeyli sakit keçəcək. Bu vaxt çoxdan tanış olan bəzi iş və məsələlərə qayıtmaq, əvvəllər başlanmış işləri başa çatdırmaq, sizi narahat edən suallara cavab almaq üçün münasib olacaq. Bəzi ailə problemlərini yoluna qoymaq imkanı yaranacaq. Sizin müdaxiləniz sayəsində küsülü olan insanlar barışa bilərlər.

Şir

Günün əvvəlində gərgin anlar mümkündür, lakin ümumilikdə müsbət tendensiyaların təsiri üstünlük təşkil edəcək və bir çox işdə nəzərəçarpacaq irəliləyişə ümid etmək olar.

Günün bütün ikinci yarısı işgüzar ünsiyyət üçün əlverişli olacaq. Bu vaxt hansısa peşəkar tədbirlərə getsəniz, orada faydalı tanışlıqlar qura biləcəksiniz. İctimai çıxışlar uğurlu keçəcək, müxtəlif insanlar sizi səmimi maraqla dinləyəcəklər. Onlardan kiminləsə dostlaşmağınız və ya əməkdaşlıq barədə razılığa gəlməyiniz istisna deyil.

Qız

Günün əvvəli, xüsusilə də həmin vaxta mühüm bir iş planlaşdıranlar üçün kifayət qədər çətin ola bilər. Diqqəti dərhal cəmləmək mümkün olmayacaq, məqsədə aparan düzgün yolu seçib-seçmədiyinizlə bağlı şübhələr yarana bilər, məsləhətləşməyə isə heç kim tapılmaya bilər.

Lakin çox keçmədən vəziyyət dəyişəcək, müsbət tendensiyaların təsiri güclənəcək. Özünüzü xeyli inamlı və sakit hiss edəcəksiniz, istədiyiniz nəticəni əldə etmək üçün hansı istiqamətdə hərəkət etməli olduğunuz aydınlaşacaq. Bununla yanaşı, illüziyalara qapılmayacaq və hər şeyin öz-özünə uğurlu alınacağına ümid etməyəcəksiniz. Yalnız özünüzə güvənmək və lazım gəldikdə məqsədə çatmaq üçün səy göstərmək bacarığınız əla nəticələr əldə etməyə kömək edəcək.

Tərəzi

Qərar verməyə tələsməyin: günün əvvəli həyatda nəyisə köklü şəkildə dəyişmək üçün qətiyyən uyğun deyil. Ətrafınızdakılar sizi qətiyyətli addımlar atmağın mütləq lazım olduğuna nə qədər inandırmağa çalışsalar da, indi bunu etmək məsləhət deyil. Əksinə, hər addımınızın nəticələrini düşünərək ehtiyatla irəliləmək lazımdır.

Günün ikinci yarısı yaxşılığa doğru dəyişikliklər vəd edir. Bu vaxt bəzi uğurlu təsadüflər mümkündür, köhnə, lakin sizin üçün çox vacib olan bir ideyanı həyata keçirmək şansı yaranacaq. Burada çaşqınlığa düşməyəcək, hər şeyi ən yaxşı şəkildə edəcəksiniz. Tezliklə dostlaşacağınız yeni tanışların bu işdə sizə kömək etməsi də istisna deyil.

Əqrəb

Bu gün asan uğurlara ümid etməmək daha yaxşıdır. Bu, ilk növbədə son vaxtlar xeyli səhvə yol vermiş, lakin nədənsə heç kimin bunlara diqqət yetirməyəcəyinə ümid edən bürc nümayəndələrinə aiddir. Bu gün bütün maraqlı işləri təxirə salıb məhz əvvəllər buraxılmış səhvləri düzəltməyə diqqət yetirməli olma ehtimalınız yüksəkdir. Tələsməsəniz, bunun öhdəsindən kifayət qədər yaxşı gələcəksiniz.

Axşam ya sizin üçün mühüm olan hansısa layihə, ya da biganə olmadığınız bir insanla bağlı xoş xəbərlər gətirə bilər. Həmçinin bu vaxt köhnə tanışlar özlərini xatırlada bilərlər və bu, çox yerinə düşəcək: məhz onlarla son vaxtlar sizi düşündürən və narahat edən məsələləri müzakirə edə biləcəksiniz.

Oxatan

Kifayət qədər ziddiyyətli gündür və onun əsas problemi ondadır ki, bütün Oxatanlar plan və prioritetlərini tez müəyyənləşdirə bilməyəcəklər. Bu bürcün nümayəndələri tez-tez bir işdən digərinə keçmək məcburiyyətində qalacaqlar və bu, onları əsəbiləşdirəcək.

Ətrafınızdakılar həmişəkindən daha tez-tez bu bürcün nümayəndələrinin işlərinə müdaxilə edə bilərlər. Bu, əhval-ruhiyyəni yaxşılaşdırmayacaq, çünki heç də hamı nəzakətli və incə davranmayacaq. Son vaxtlar ünvanlarına xeyli tənqidi fikir eşitmiş Oxatanlar hansı səhvlərə yol verdiklərinin bir daha xatırladılması ilə üzləşəcəklər. Belə anlarda təmkinli qalmaq çox vacibdir. Sərt cavab versəniz və münaqişəyə səbəb olsanız, vəziyyət yalnız daha da mürəkkəbləşəcək.

Oğlaq

Günün əvvəli emosional baxımdan kifayət qədər çətin olacaq: bir çox Oğlaq bu vaxt xırda məsələlərə görə əsəbiləşəcək, bu bürcün nümayəndələrini çox sakit və özünəinamlı görməyə öyrəşmiş ətrafdakılar isə tam çaşqınlıq içində qalacaqlar. Onlar hansısa şəkildə kömək etməyə çalışacaqlar, lakin nəticədə vəziyyəti yalnız daha da pisləşdirəcəklər.

Hansısa mürəkkəb məsələnin həllinə başdan-başa qərq olmazdan əvvəl düşünün ki, həqiqətən də indi bununla məşğul olmaq lazımdırmı, bütün lazımi məlumatları toplamısınızmı, yanınızda kömək etməyə hazır insanlar varmı. Yalnız bundan sonra, hər şeyin qaydasında olduğuna əmin olduqda konkret hərəkətlərə keçmək olar.

Dolça

Gün ərzində bəzi çətinliklər yarana bilər, lakin siz onların öhdəsindən əla gələcəksiniz. Dolçalar istənilən məsələnin həllinə yaradıcı yanaşmağa meylli olacaqlar və məhz bu, onlara uğur qazanmağa imkan verəcək. Başqalarının öhdəsindən gələ bilmədiyi məsələləri həll etmək və ya bəzi mürəkkəb və mühüm işləri durğunluq nöqtəsindən tərpətmək şansı yaranacaq.

Günün ikinci yarısı özləri üçün tamamilə yeni olan bir işə başlayan Dolçalara uğur vəd edir. Bu bürcün nümayəndələri çox sürətlə öyrənəcək, bir çox şeyi dərhal qavrayacaq, onların yanında isə öz təcrübəsini bölüşməyə və ehtiyac yaranarsa kömək etməyə hazır insanlar olacaq.

Balıqlar

Bu bürcün nümayəndələri çoxdan onları maraqlandıran məsələlərin həllinə diqqətlərini cəmləyə biləcəklər. Heç kim onların işlərinə qarışmayacaq və diqqətlərini yayındırmayacaq. Başqalarının görmədiklərini görmək bacarığı sayəsində Balıqlar ilk uğurlarını tez əldə edəcək və optimal strategiya hazırlayacaqlar. Başqalarının yerində saydığı sahələrdə siz nəzərəçarpacaq irəliləyiş əldə edə biləcəksiniz.

Bəzi mürəkkəb peşəkar məsələlərin sizin üçün çox uğurlu şəkildə həll olunması istisna deyil. Bu bürcün bəzi nümayəndələrinin karyera pilləsində yüksəlmək imkanı yaranacaq.

Həmçinin oxuyun

Deputatdan pensiyaçılara ŞAD XƏBƏR: Artım tarixi AÇIQLANDI

DTX  xəbərdarlıq etdi - VİDEO

İranın ilan sifəti —  Rezainin Mustafayevlə salamlaşmasının arxasında duran SƏBƏB

Misir Mərdanov “Şərəf” ordeni ilə təltif olunmasından danışdı