Yeni 100 manatlıq əskinasların tanınmama PROBLEMİ: İqtisadçıdan vacib AÇIQLAMALAR  

Son zamanlarda ölkəmizdə təqdim olunan yeni dizaymlı 100 manatlıq pul nişanlarının tədavülə buraxılması ticarət sektorunda müəyyən müzakirələrə səbəb olub. Belə ki, yeni əskinasların bəzi mağazalar və xidmət obyektləri tərəfindən dərhal tanınmaması vətəndaşlar tərəfindən narahatlıqla qarşılanır. Bəzi satıcılar həmin pulların saxta ola biləcəyindən ehtiyat edərək onları qəbul etməkdə tərəddüd edirlər. Bu cür hallar isə təbii olaraq gündəlik nağd ödənişlərdə müəyyən süni əngəllər və anlaşılmazlıqlar yaradır. Vətəndaşların haqlı narazılığına səbəb olan bu problemin əsas kökləri dərindən araşdırılmalıdır. Bəs yeni əskinasların bəzi satıcılar tərəfindən tanınmaması nədən qaynaqlanır və bu hal ümumi nağd ödənişlərə necə təsir göstərə bilər? Məsələ ilə bağlı suallarımızı cavablandıran tanınmış iqtisadçı Xalid Kərimli mövzuya aydınlıq gətirib.

İqtisadçı Xalid Kərimli Oxu24.com-a  bildirib ki, əgər hər hansı bir satıcı yeni vəsaiti tanımırsa və ya onun etibarlılığına şübhə ilə yanaşırsa, pulların saxtalığını müəyyənləşdirə biləcək xüsusi detektor aparatları mövcuddur:

“Yeni əskinaslar dövriyyəyə buraxıldıqda həmin detektorların və pul sayan, yoxlayan aparatların proqram təminatı da yenilənməli və müvafiq xidmət təşkil olunmalıdır. Nağd pul əməliyyatları həyata keçirən satıcının birbaşa borcudur ki, ödənişi alıcının tələb etdiyi formada (istər nağd, istərsə də pos-terminal və ya kartla) həyata keçirsin”.

Onun sözlərinə görə, kartdan-karta əməliyyatlar alqı-satqı prosesində düzgün yerinə yetirilməli, ya nağd verilib qəbz alınmalı, ya da pos-terminaldan ödəniş edilərək qəbzi təmin edilməlidir.

Xalid Kərimli qeyd edib ki, satıcının əsas borcu odur ki, alıcının seçdiyi ödəniş üsulunu təmin etsin və alıcının bu prosesdə tələb etdiyi formanı qəbul etməyə borcludur. 

İqtisadçı qanuni tərəfdən vurğulayıb ki, satıcı alıcının ödəniş zamanı seçdiyi alış üsulunu qəbul etməyə borcludur və burada hər hansı bir şübhə yarandıqda onun aradan qaldırılması üçün texniki vasitələr mövcuddur:

“Əgər şəxs bu ticarət işinə baş qoşubsa və alqı-satqı etmək istəyirsə, həmin detektorları, pul yoxlayan vəsaitləri alıb özünün riskini sığortalaya bilər. Bütün bunlara baxmayaraq, satıcının vəsaitin qəbulundan imtina etmək kimi hüququ yoxdur”.

Çimnaz Telmanqızı

Həmçinin oxuyun

Əli Əsədov qərarı İMZALADI:Bu müddət 6 aya endirilib

1 oktyabrda bizi nələr gözləyir?  —   ULDUZ FALI

Türkiyə həmin silahı Azərbaycana verir:Hansı gücdə olduğunu EKSPERT AÇIQLADI

Əhaliyə xəbərdarlıq!Sel,daşqın və qar gözlənilir