Razi Nurullayev ATV kanalına açıqlamasında nə deyib? — Pensiya yaşı artır?

Milli Məclisin deputatı Razi Nurullayev qadınların pensiya yaşı ilə bağlı ATV telekanalında yayımlanan süjetə sərt reaksiya verib.

Oxu24.com-un xəbərinə görə, deputat müsahibəsinin tamamilə kontekstdən çıxarılaraq fikirlərinin təhrif olunduğunu deyib.

“Nəzərinizə çatdırmaq istəyirəm ki, ATV-nin qadınların pensiya yaşı ilə bağlı mənimlə verdikləri süjet 100 faiz kontekstdən çıxarılıb. "Heç olmasa 95% edərdiniz, lap 99% edərdiniz. 100% etmək ağını çıxarmaqdır”, -  Razi Nurullayev qeyd edib.

Deputat bildirib ki, ölkənin böyük televiziya kanallarından birinin onun fikirlərini bu şəkildə təqdim etməsi qəbuledilməzdir.

“Bu boyda kanal Milli Məclisin deputatının fikirlərini yüz faiz saxtalaşdırıb verib. Çox təəssüf edirəm. Məndən müsahibə xahiş edən və götürən əməkdaşlardan biri ilə danışdım. Üzrxahlıq etdi, mən onu qəbul etmədim. Müsahibənin orijinal variantını da istədim”, -  o vurğulayıb.

Razi Nurullayev mətbuat nümayəndələri ilə daim açıq münasibətdə olduğunu və jurnalistlərin müraciətlərini cavablandırmağa çalışdığını bildirib.

“Mən mətbuata açıq deputatam və çalışaram ki, zəng edən jurnalistlərin hamısına cavab verim. Bilirəm ki, bir çox vəzifəli şəxslər, deputatlar mətbuatdan qaçır və onlara haqq qazandırıram”, - deputat qeyd edib.

O, baş verən hadisələrin gələcəkdə ictimai şəxslərin media ilə ünsiyyətinə mənfi təsir göstərə biləcəyini də diqqətə çatdırıb:

“Mətbuata açıq bir neçə deputat, vəzifəli şəxs qalıb. Onlar da tezliklə danışmaqdan imtina edəcəklər. Onsuz da pusquda dayanıb ölkəmizə nifrət yağdırmağa növbə tutan minlərlə şəxslər var. Onların dəyirmanına su tökmək kimə lazımdır?”

Deputat hazırda məsələ ilə bağlı hansı addımı atacağına qərar vermədiyini bildirib.

“Hansı addımı atacağıma qərar verə bilməmişəm hələ. Hazırda qərar verdiyim bu sözdür: Təəssüf edirəm ATV, çox təəssüf edirəm!”, -  Razi Nurullayev əlavə edib.

Sözügedən müsahibəni təqdim edirik:

Həmçinin oxuyun

Yeni kadr təyinatı olub

12 iyulla bağlı XƏBƏRDARLIQ

Azərbaycanda yeni rüsum müəyyənləşir - 70 manat 

SON DƏQİQƏ!Hava Limanında TUTULDU -VİDEO