Xalq artistinin kürəkəni  HƏBS OLUNA BİLƏR : İş polisdədir - DETALLAR

Mərhum Xalq artistinin kürəkəni tərəfindən aldadıldıqlarını,dələduzluğa məruz qaldıqlarını bildirən şəxslər bu barədə mediaya müraciət ediblər.

Söhbət  mərhum Xalq artisti  Ramiz Əzizbəylinin kürəkəni  Qasımzadə Rüfət  Mirzəcan oğlundan gedir.

Bu barədə Oxu24.com-a müraciət edən  vətəndaş Mahmudbəyli Elşən Rafael oğlu bildirib.Onun sözlərinə görə,tanışı Cəfərov Mirəli Elşən oğlunun vasitəsi ilə bu şəxsi və onunla əlaqəli digərlərini  tanıyıb. 

Fotoda şikayətçi Elşən Mahmudbəylidir

“Dostum Mirəli mənə dedi ki,bu adamlar yaxşı iş görürlər.Sən də onlara iş üçün pul verib,daha yaxşı qazanc əldə edə bilərsən.Maraqlandıqda öyrəndim ki,Rüfət və adamları qızıl işi ilə məşğul olurlar.Mən də inandım. Bu işi Qasımlı Boran Fazil oğlu,Qasımlı Sahil Fazil oğlu,Qasımzadə Rüfət Mirzəcan oğlu və onların kuryerliyini edən  Məmmədzadə Məmməd İmran oğlu birlikdə görürürlər.İlkin olaraq  2024-cü ilin may ayında 45 min ABŞ dolları pul vermişəm.Həmin məbləği Məmmədin vasitəsi ilə şəxsən özüm Rüfət Qasımzadəyə göndərdim.Rüfət mənə dedi ki,bu məbləğə qızıl alacaq və mənim də qurulacaq işdən  qazancım olacaq.

Qeyd olunan qazanc 200 min dollara çatdığı halda yeni qızıl mağazası açılacaq və həmin mağaza mənə məxsus olacaq.Sən demə,bu yolla Rüfət və komandası piramida qururlarmış.Onlar insanları aldatmaqla tora salırlarmış.Çirkin niyyətlərini davam etdirmək məqsədi ilə ilk zamanlar qazanc adı ilə  adamları şirnikləndirmək üçün bir qədər pul qaytarırlarmış.

Bu yolla onlar daha çox pul ələ keçirmək və haram yolla varlanmaq istəyiblər.Üstündən bir müddət keçdikdən sonra Rüfət mənə aylıq olaraq 3000 dollar pul ödəməyə başladı.7 ay bu məbləği ödədikdən sonra yenidən məndən pul istədi. Mən də inanıb,bu dəfə ona 10 min dollar pul verdim.Rüfət məni inandırdı ki,bu pullara yeni qızıllar alacaq və mənim də mənfəətimi qaytaracaq.Bir müddət keçdikdən sonra Rüfətdən səs çıxmadı.Daha sonra aldadıldığımı başa düşdüm.Hüquq Mühafizə Orqanlarına şikayətlər etdim”,-deyə dələduzluğa məruz qaldığını bildirən  şəxs  qeyd edib.

Həmçinin oxuyun

Onlar bacı-qardaş imişlər  - FOTOLAR

Tualetdə sizi gözləyən təhlükə! - Nevroloqdan AÇIQLAMA 

Rektor 4 min manatlıq gül sifariş verdi 

İlham Əliyev Qarabağın qurulmasına kömək edən ilk prezidentin adını açıqladı 

Şikayətçinin sözlərinə görə, Rüfət Qasımzadə onun və başqalarının pulları  hesabına  Türkiyənin İstanbul  şəhərində özünə obyekt icarəyə götürüb və qazanc əldə edir.

“Aldadıldığımı başa düşdükdən sonra Rüfətin işini araşdırmağa başladım. Məlum oldu ki,İstanbulda ticarət mərkəzinin daxilində restoran icarəyə götürüb,işlədir. Bu gün mənə onun vurduğu ziyan 52 min dollardır. Şikayət etdikdən sonra Bakıdan çıxışına “stop” qoyulub.İş hazırda Yasamal Rayon Polis İdarəsində müstəntiq Sərxan Ramazanovun  icraatındadır.

Mövzu ilə bağlı qarşı tərəfin də mövqeyini təqdim edəcəyik.

Məsələdə adı hallanan Sahil Qasımlı.Hazırda ABŞ-də yaşayır.

Miri Məcidli