Yapon alimləri dünyanın ən məşhur içkilərindən birinin daha bir faydalı xüsusiyyətini aşkar ediblər.

OXU24.COM xəbər verir ki, “Springer” portalının məlumatına görə, qəhvənin müntəzəm istifadəsi yaddaşı və diqqəti yaxşılaşdıra bilər.

Qeyd olunub ki, Tsukuba Universitetinin tədqiqatçıları siçanlar üzərində bir araşdırma aparıblar. 30 gün ərzində heyvanlara qəhvə, fenugreek və yapon turpunda olan triqonelin maddəsi verilib. Daha sonra gəmiricilər Morris labirintinə buraxılıb və burada onların yaddaş qabiliyyətinin əhəmiyyətli dərəcədə artdığı məlum olub.

Mütəxəssislər müəyyən ediblər ki, bu alkaloidin müntəzəm istifadəsi bu birləşmənin beyində qan dövranına faydalı təsir göstərməsi, yeni neyronların böyüməsini stimullaşdırması və onlar arasında əlaqəni yaxşılaşdırması nəticəsində koqnitiv funksiyaların yaxşılaşmasına səbəb olur. Odur ki, alimlər səhərlər bir fincan qəhvədən imtina etməməyi tövsiyə ediblər.