Futbolçu Mahir Emrelinin evini qarət etməkdə şübhəli bilinən şəxslər tutulub.

Bakı Şəhər Baş Polis İdarəsindən  verilən məlumata görə, Daxili İşlər Nazirliyinin Baş Cinayət Axtarış İdarəsi, Kriminalistik Tədqiqatları İdarəsi, Binəqədi Rayon Polis İdarəsinin (RPİ) Cinayət Axtarış Şöbəsi, RPİ-nin Kriminal Tədqiqatlar qrupu və 40-cı Polis Bölməsi əməkdaşlarının birgə keçirdiyi uğurlu əməliyyat-axtarış tədbirləri nəticəsində Qazax rayon sakinləri, əvvəllər məhkum edilən Nicat Vəliyev və əvvəl məhkum olunmayan Anar Mahmudov tutulublar.

Faktla bağlı Binəqədi Rayon Polis İdarəsində araşdırmalar davam etdirilir. Oxu24.com