Futbol üzrə Türkiyə milli komandası Avropa çempionatının seçmə mərhələsi çərçivəsində fransızları 2:0 hesabı ilə məğlub etdi. Nəticə gözlənilməz olduğu qədər də tərəflərdə maraqlı emosiyalar doğurub.Bizimyol.info xəbər verir ki, fransızlar məyusluğu gizlətmir. Fransa milli komandasının baş məşqçisi Didye Deşam böyük zərbə aldıqlarını deyir: “Bütün komanda lazımi səviyyəni göstərə bilmirsə, yaxşı nəticə də gözləməyə dəyməz”.
Didye Deşam | Foto: Reuters / Pascal Rossignol
Deşam yaxşı oynamadıqlarını bildirir: “Üzərimizə düşəni etmədik. Fərqi yoxdur, dünya çempionusan, ya yox, gərək yüksək səviyyəli oyun göstərəsən”.

Baş məşqçi səhvlər üzərində işləməyin lazım olduğunu söyləyir: “Türkiyə bizə şillə vurdu. Deməyə başqa sözüm yoxdur”. Oxu24.com