Bakı 28°C
USD - 1.7010
EUR - 1.9120
RUB - 0.026
12344
az

Lotu Qulinin vəkili Elinanın anası ilə görüşüb – AÇIQLAMA

14:4324 Aprel, 2019
1291
  • A
 
162 saylı orta məktəbdə pəncərədən özünü ataraq intihar etmiş Elina Hacıyevanın ailəsinə vəkil məqsədilə yardım toplanması aksiyası dayandırılıb. Çünki üç vəkillə bu ailəyə təmənnasız hüquqi yardım göstərmək barədə razılıq əldə olunub. Bunlar Emin İsayev, Sevinc Əliyeva və Azər Nağıyevdir. E.Hacıyevanın anası Sevil Hüseynova aprelin 23-də Vəkillər Kollegiyasına dəvət edilib. Hüquqlarını müdafiə edəcək vəkillər S.Hüseynovaya təqdim olunub.

Oxu24.com   bizimyol.info-ya istinadən xəbər verir ki, S.Hüseynova bildirib ki, artıq vəkillərlə müqavilə imzalanıb: “Tam ödənişsiz üç vəkillə təmin edildim. Beləliklə, vəkil üçün pul yığmaq məcburiyyətindən azad olundum. Bildirirəm ki, bu məqsəd üçün nə mən, nə də ailəm pul yığmır”.

S.Hüseynova iki gün öncə bildirmişdi ki, vəkil üçün pul toplanması barədə məlumatlar yayılandan sonra Təranə Əliyeva adlı başqa bir vəkil də öz təşəbbüsü ilə onlara gələrək, hüquqi yardım göstərmək istədiyini deyib.

“Vəkillər Kollegiyasının sədri də zəng edərək, bir neçə vəkilin bizə hüquqi yardım göstəməyə hazır olduğunu bildirib. Təranə Əliyeva da bir nəfərlə birlikdə özü bizə gəlmişdi. Hələlik konkret qərar verməmişik. Amma çox güman ki, Təranə Əliyeva olacaq”,- Elinanın anası iki gün əvvəl belə demişdi.

T.Əliyeva həm də Səbail Rayon İcra Hakimiyyəti başçısının müavini Xalidə Bayramovanın rəfiqəsidir. İstisna olunmur ki, T.Əliyeva məhz rəfiqəsinin təşəbbüsü ilə bu işə qoşulmaq istəyib.

X.Bayramova Elinanın ölümü ilə bağlı istintaqa da cəlb olunub. Çünki məktəbli özünü pəncərədən atandan sonra məktəbdə otaqda onu danışdırıb, bunu videoya çəkən X.Bayramova olub.

X.Bayramova bildirib ki, hadisə günü səhər saat 9 radələrində məktəbin direktoru Sevinc Abbasova ona zəng edərək, belə bir olay yaşanması haqda məlumat verib. O da öz növbəsində icra başçısını məlumatlandırıb və daha sonra məktəbə gedib: “Çünki mən icra başçısının müavini olmaqla yanaşı, həm də yetkinlik yaşına çatmayan şəxslərlə iş üzrə komissiyanın sədriyəm”.

Hadisə barədə hüquq-mühafizə orqanlarına da özü məlumat verdiyini bildirən X.Bayramova yaralı vəziyyətdə qızı videoya çəkməsini isə belə izah edib: “Məqsədim baş verən hadisədə maksimum şəffaflığı təmin etmək, hadisədən sonrakı araşdırmalar üçün faktları qeyd etmək olub”.

Bildirdiyinə görə, sonradan həmin videonu övladının canlı vəziyyətdə son xatirəsi kimi, Elinanın anasına verib.

T.Əliyeva uzun illər “Lotu Quli” kimi tanınan Nadir Səlifovun da vəkili olub. Oxu24.com

ŞƏRHLƏR

BÖLMƏNİN ÇOX OXUNANLARI

Yaralı hərbçimiz şəhid oldu - Foto
Yaralı hərbçimiz şəhid oldu - Foto
Boşanma davası davam etdiyi müddətcə qadın aliment almağa davam edərmi?

Bakıda kafedə ÖLÜM

18+

Terrorçularla bağlı dəhşətli video yayıldı - Əsəbi zəif olanlar baxmasın!
Tovuzda kişi sağ ola-ola özünə qəbir qazdırdı (VİDEO)
Bağırsaq xərçəngini yaradan faktor aşkarlandı
Bakıda kafedə ÖLÜM