ABŞ-da qripə qarşı peyvəndin nə qədər təsirli olduğunu araşdırmaq üçün “Qrip oteli” yaradılır.
Bu oteldə bilərək və istəyərək qripə yoluxmağa razı olan könüllülər qalacaq.

oxu24.com  xarici mediaya istinadən xəbər verir ki, burada qalmaq istəyənlər üçün 3500 dollar (təxminən 5950 manat) ödəniş ediləcəyi bildirilir.

Məlumata görə, bu oteldə qalmaq istəyənlər əvvəlcə qripə qarşı peyvənd ediləcək, daha sonra virusa yoluxdurulacaqlar.

Araşdırmanı Missuri ştatının Saint Louis universitetinin alimləri aparacaq. Oteldə qalmaq və yol xərcləri üçün könüllülərə 3500 dollar veriləcək.

Standart otel xidməti olan mərkəzdə könüllülərlə xüsusi tibb bacıları xidmət göstərəcək. “Grip Oteli” ilə bağlı işlərə ay ərzində başlayacaq. Oxu24.com