Ermənistan Silahlı Qüvvələrinə həqiqi hərbi xidmətə yola salınan 18 cağrışçı yoxa çıxıb.
 
Oxu24.com  xəbər  verir ki, bu barədə cağrışçıların valideynləri erməni mətbuatına məlumat verib. Verilən xəbərə görə çağrışçılar Quqark rayonundan işğal altında olan Xocavənd rayonunda yerləşən hərbi hissəyə göndərilib. Lakin onlar hərbi hissəyə çatmayıblar. Övladlarının ardınca gedən valideynlər isə onlardan xəbər tuta bilmir. Məsələ ilə bağlı Ermənistan Müdafiə Nazirliyi heç bir açıqlama verməyib. Mətbuatın yazdığına görə çağrışçıları gətirən avtobus Laçın yolunun 23-cü kilometrliyində tapılıb. Çağrışçılarla birgə gələn erməni ordusunun 32 yaşlı zabiti Aram Vardanyanın və sürücü Tiqran Arakelyanın meyiti tapılıb. Onların üzərində zorakılıq əlamətləri ilə öldürüldüklərini sübut edən izlər var. Erməni sosial şəbəkə istifadəçiləri cağrışçıların aldadıldığını və Qarabağa aparıldığını bildiriblər.
 
Sosial şəbəkə istifadəçiləri heç kimin Qarabağda xidmət etmək istəmədiyini yazıblar. Sosial şəbəkə istifadəçisi olan Manvel Bağdasaryan belə yazıb:"Böyük ehtimal ki, çağrışçılar Qarabağa göndərildiklərini biləndə mübahisə düşüb. Gənclər sürücünü və zabiti öldürərək dağlara qaçıblar. Bu cinayətdir. Amma, niyə müdafiə nazirliyi bu günə qədər açıqlama vermir? Hadisə baş verib. Bəli heç kim Qarabağda ölmək istəmir." Oxu24.com