Mingəçevirdə şəhid adına hörmətsizlik: Şəhidin şəkli olan lövhə ayaqlar altında,bina susuz və qazsız...
15:0822 Avqust, 2019
671
A
Mingəçevirdə şəhid adını daşıyan binanın hazırkı durumu ürək ağrıdır.
Oxu24.com xəbər verir ki, əsasən Ağdam rayonundan olan məcburi köçkünlərin yaşadığı şəhid Tahir Məhərrəmovun adını daşıyan Gənclər mərkəzi qəzalı vəziyyəti ilə diqqəti çəkib. Bina sakinlərinin saytımıza verdiyi məlumata görə,Ağdam işğal olunan zamandan onlar burada məskunlaşıblar. Binanın son günlər təhlükəli vəziyyət alması sakinləri ciddi narahat edir. Bu azmış kimi baxımsızlıq üzündən Şəhid Tahir Məhərrəmovun şəkli olan lövhə dağılaraq ayaqlar altına düşüb. Bina sakinləri dyeir ki, qəza vəziyyəti ilə bağlı dəfələrlə Qaçqınkoma müraciət etsələr də cavab verən olmayıb.
Qızmar yayın gümlərində bina sakinləri daha bir bəla ilə üzləşib. Artıq 20 gündən çoxdur ki, binaya suyun verilişi dayandırılıb. Azərsu ASC-nin yerli əməkdaşları bildiriblər ki, qeyd olunan bina heç bir qurumun tərkibində yoxdur. Bu səbəbdən də binaya yeni su xəttinin çəkilməsi sakinlərin öz vəsaiti hesabına olmalıdır. Bina sakinləri deyir ki, bugünədək suyu xüsusi qablarda qonşu binalardan və parkların həyətindən gətirirlər.
Xatırladaq ki, keçən il adıçəkilən binanın sakinləri etiraz aksiyası keçirmişdi.
Oxu24.com saytı şəhid adını daşıyan və məcburi köçkünlərin yaşadığı binadan şərhsiz görüntüləri təqdim edir:
ŞƏRHLƏR