Bakı 28°C
USD - 1.7010
EUR - 1.9120
RUB - 0.026
11292
az

Əməllər etiqadin göstəricisidir

22:3526 Mart, 2019
721
  • A
Allah-Taala Qurani-Kərimin "Bəqərə" surəsinin 284-cü ayəsində buyurur:

لِّلَّهِ ما فِي السَّمَاواتِ وَمَا فِي الأَرْضِ وَإِن تُبْدُواْ مَا فِي أَنفُسِكُمْ أَوْ تُخْفُوهُ يُحَاسِبْكُم بِهِ اللّهُ فَيَغْفِرُ لِمَن يَشَاء وَيُعَذِّبُ مَن يَشَاء وَاللّهُ عَلَى كُلِّ شَيْءٍ قَدِيرٌ

"Göylərdə və yerdə olan hər şey Allaha məxsusdur. Qəlblərinizdə olanı aşkarlasanız da, gizlətsəniz də Allah ona əsasən sizinlə haqq-hesab çəkər. İstədiyini bağışlayar və istədiyini də cəzalandırar. Allah hər şeyə qadirdir!"

Oxu24.com maide.az-a istinadən bildirir ki, Əllamə Təbatəbai "Əl-mizan" təfsirində yazır: "İnsanın iki növ qəlb haləti var: Bəzən ixtiyarsız olaraq qəlbdən bir şey ötüşür. İnsan belə təsəvvürlərə görə günaha batmır. Çünki belə təsəvvürlər bizim ixtiyarımızda deyil. Amma insanın pis əməllərinə səbəb olan və ruhunun dərinliyində möhkəmlənən ruhi hallara görə cəza var."

Olsun ki, ayədə küfr, haqqın gizlədilməsi kimi qəlbə aid günahlar nəzərdə tutulmuşdur. İnsanı günaha aparan müqəddimə təsəvvürlər ayənin məqsədi olmaya da bilər.

İnsan öz ruhiyyəsinə, qəlb halına görə məsuldur. Bu məsələ Quranda dəfələrlə işarə olunmuşdur. O cümlədən:

وَلَكِن يُؤَاخِذُكُم بِمَا كَسَبَتْ قُلُوبُكُمْ

-"Allah sizi qəlblərinizin kəsb etdiyinə görə cəzalandırar." ("Bəqərə" surəsi, ayə 225.)

وَمَن يَكْتُمْهَا فَإِنَّهُ آثِمٌ قَلْبُهُ

-"Doğrudan da, gizlədənin qəlbi günahkardır." ("Bəqərə" surəsi, ayə 283.)

إِنَّ السَّمْعَ وَالْبَصَرَ وَالْفُؤَادَ كُلُّ أُولـئِكَ كَانَ عَنْهُ مَسْؤُولاً

-"Həqiqətən, qulaq, göz və qəlb hər biri sorğuya çəkilər." ("İsra" surəsi, ayə 36.)

إِنَّ الَّذِينَ يُحِبُّونَ أَن تَشِيعَ الْفَاحِشَةُ فِي الَّذِينَ آمَنُوا لَهُمْ عَذَابٌ أَلِيمٌ فِي الدُّنْيَا وَالْآخِرَةِ

-"O kəslər ki, möminlər arasında pislik yaymaq istərlər, onları dünya və axirətdə şiddətli əzab gözləyir." ("Nur" surəsi, ayə 19.)

İmam Əli (ə) buyurmuşdur: "Xalq öz düşüncə və niyyətlərinə görə cəzalandırılar." ("Nəhcül-bəlağə", xütbə 45.)

BİLDİRİŞLƏR

1. Allah həm mütləq malik, həm mütləq alim, həm də mütləq qadirdir.

2. Kuzənin çölünə çıxan nəm onun içindəkindəndir. İnsanın əməlləri onun düşüncə tərzi və iç etiqadının göstəricisidir.

3. Tərbiyəçi xalqı ümid və qorxu arasında saxlamalıdır.

("Təfsiri-nur", Ustad Möhsin Qəraəti, 1-ci cild, "Bəqərə" surəsi, 284-cü ayənin təfsiri.) Oxu24.com

ŞƏRHLƏR

BÖLMƏNİN ÇOX OXUNANLARI

İftardan ən azı 2 saat sonra... - DİETOLOQDAN ORUC TUTANLARA TÖVSİYƏ
Niyaməddin Musayevin bu VİDEOsu gündəm oldu
Bərdədə azyaşlını it dişlədi

İti xilas edərkən buzlu suya düşdü

18+

Bakıda dəhşətli qətlin videosu yayılıb (18+)
Döyüşlərdən  VİDEO YAYILDI
Yumurtanın  insana  bu ziyanı var imiş  - Həkimdən şok AÇIQLAMA
Bakıda DƏHŞƏT: Qızla dalaşan oğlan qazini öldürdü - ANBAAN VİDEO