Koronavirus COVID-19 nəzəri cəhətdən kişi sonsuzluğuna səbəb ola bilər. SİA xarici mətbuata istinadən xəbər verir ki, bu qənaətə Çinin Uhan şəhərindəki Tongji Xəstəxanasının Reproduktiv Tibb Mərkəzinin mütəxəssisləri tərəfindən gəlinib.

Mütəxəssislər, virusun testislərdə immunitetli homeostazın pozulmasına səbəb ola biləcəyini qeyd ediblər ki, bu barədə “South China Morning Post” nəşri yazır. Qeyd oliunur ki, bu da öz növbəsində, kişilərdə sperma sayının azalmasına və mümkün sonsuzluğa səbəb ola bilər.

Çinli alimlərin apardığı başqa bir araşdırmaya görə, patogenin yayılması üçün optimal şərtlər 5 ilə 8.72 dərəcə arasında olan temperatur və 35-50% rütubətdir.

Xatırladırıq ki, son məlumatlara görə, dünyada 135 mindən çox koronavirus xəstəsi var. Bu vaxtadək 4.9 mindən çox insan da xəstəliyin qurbanı olub. Xəstəlik 2019-cu il dekabrın sonlarından başlayıb. ÜST daha əvvəl COVID-19 barədə pandemiya elan edib.