Xəbər verdiyimiz kimi, bir neçə gün əvvəl Moskvada rusiyalı model Oksana Samoylova ilə reper Ciqan dəbdəbəli toy edərək ailə qurmalarının 10 illiyini qeyd ediblər.

OXU24.COM  axşam.az-a istinadən xəbər verir ki, bu gün isə Ciqanın xanımının uşaqlıq illərinə aid arzusunu gerçəkləşdirmək üçün xərclədiyi məbləğ bəlli olub.

Repçi toy üçün 23 milyon rubl xərcləyib. Bu barədə məclisi təşkil edən şirkətdən məlumat verilib. Bildirilib ki, bu məbləğin ən çox hissəsini rejissorluq-qrafika işi və dekorasiya tutur.

Qeyd edək ki, Oksana və Ciqan 2020-ci ildə boşanmağa qərar versələr də daha sonra bu fikirdən imtina etmişdilər. Cütlüyün bu evlilikdən 3 qız və 1 oğul övladı var.