"Uşağı gedib görürəm. Amma get-gedə az-az görürəm. Aramızda olan problem deyil, sadəcə elə məsələdir ki, onu danışmaq kişiliyə yaraşmaz. Həyat belə gətirdi. Belə olmalı idi. Keçmişdə olan bir haldı. Oğlumun dünyaya gəlməsi böyükdür".

Milli.Az axşam.az-a istinadən bildirir ki, bu sözləri reper Dado Əliyev müsahibələrindən birində deyib. O, müğənni Natavan Həbibi ilə boşanmalarından danışıb. İfaçı bildirib ki, artıq Natavanı sevmir:

"Uzun müddət susdum, açıqlamadıq. Məcbur olub özüm açıb ayrıldığımızı dedim. Münasibət yox vəziyyətdədir. Evlənmək fikrim yox idi. Elə gəldi ki, ailə qurduq. Sonradan müəyyən problemlər ortaya çıxdı... Nə mənim, nə onun səhvidir. Elə vəziyyət yarandı ki, düşündük mehriban ailə qala bilmərik. Evlənməzdən əvvəl düşünürdük ki, ikimizdə səhnə adamıyıq, bir gedib gələrik. İşlərimizi bir-birimizə bağlamağı düşünürdük. Anladım ki, bəzi hallar həyat prinsipimlə düz gəlmir. Deyirlər, evlənərək reklam qazandı. Bu evlilikdən bir manatın sahibi olmamışam. Duet oxusaydım, evimi də, maşınımı da dəyişərdim. Amma etmədim. Bunu reklam üçün etmədim. Bizim ailə elə gözəl başladı ki, düşünürdüm bizi heç kim ayıra bilməz.

İmkan verilməlidir ki, ailə qurulsun. Cütlüyə azadlıq verilməlidir. Hərə bir fikir deyir, başlayırsan səhv addım atmağa. Sevgim qalmayıb, yoxdur. Sevgini sındırmağa nə var ki... Sevgi dönüb ailə olmuşdu. Geri qayıtmaq fikrim də yoxdur. Beyin deyil ki, şərait buna imkan deyil, alınan deyil".