“Bu Şəhərdə”nin aktyoru, Əməkdar artist Coşqun Rəhimov şou-biznes nümayəndələrini heyvanlar, quşlar və bitkilərlə müqayisə edib.

ARB telekanalında yayımlanan “Heç Vaxt Heç yerdə” proqramının qonağı olan sənətçi müzakirələrə səbəb olacaq bənzətmələr edib:

"İncəsənət ailəmində fəlsəfi dillə desək, ağacı yemək istəyən müğənni Əli Mirəliyevdir. O, elə şou-biznesdə bəzi müğənniləri yesə yaxşıdır. Sənətçilərin tülküsü də Elariz Məmmədoğludur. Şou-biznesin qarğası müğənni Elşad Qarayevdir. Sərçələri isə meyxanaçı Pərviz Bülbülə, müğənni Zamiq Hüseynov, Əməkdar artist Abbas Bağırov, aktyor Elməddin Cəfərovdur. Şou-biznesin kötüyü isə müğənnilər Musa Musayev və Təranə Qumral cütlüyüdür. Müğənni Roza Zərgərli və rəqqasə Oksana isə şou-biznesin yarpağıdır".

Onun bu sözləri sosial şəbəkələrdə birmənalı qarçılanmayıb. Aktyorun bu sözlərini gülüşlə qarşılayan çox olsa da, onu qınayanlar da az olmayıb.