İranın Mülki Aviasiya Təşkilatı (CAO) bütün yerli aviaşirkətlərin və Türk Hava Yollarının Türkiyə-İran istiqamətində uçuşlarını ləğv edib. Oxu24.com xəbər verir ki, bu barədə Təşkilatın yaydığı məlumatda bildirilir. Məlumata görə, qadağanın hansı müddətə qədər davam edəcəyi bildirilməsə də tezliklə yeni açıqlama yayılacağı qeyd edilir. CAO-nın açıqlamasından da göründüyü kimi bu qərar Türkiyə ilə uçuşların bərpasından bir neçə gün sonra qəbul edilib. Bu qərarın koronavirus pandemiyası ilə mübarizə çərçivəsində qəbul edildiyi qeyd edilir. Hazırda hər iki ölkənin hava yolu şirkətləri yalnız geri dönüş uçuşu həyata keçirə bilər. COVID-19 pandemiyası çərçivəsində əldə edilmiş razılığa əsasən isə aviaşirkətlər bir istiqamətə boş uçuş reallaşdırır. Oxu24.com