“ABŞ və Rusiya arasında gərginlik dünyada beynəlxalq tarazlığın qorunması üçün önəmlidir. Biz Azərbaycan və dünya maraqları nöqteyi nəzərdən məsələyə baxsaq, görərik ki, Rusiyanın və ya ABŞ-ın dünyadaki hegemonluğu digər dövlətlərin müstəqilliyi və suverenliyi üçün təhdid təşkil edir”.

Bu sözləri Redaktor.az-a politoloq Zaur Məmmədov ABŞ-Rusiya arasında olan gərginlik haqqında danışarkən deyib. O, iki ölkə arasındakı münasibətin regionda siyasi balansın qorunması üçün vacib amillərdən olduğunu bildirib:

“Donlad Tramp dövründə Şərqi Avropada ABŞ-ın hərbi varlığının bir qədər də gücləndiyinin şahidi olduq. Nəticə etibari ilə Baltikyanı ölkələrdə ABŞ varlığının güclənməsi, Qara Dənizdə NATO-nun da güclənməsinə səbəb oldu. Cənub və Cənub-Şərq hüdudları istiqamətlərində isə Rusiya öz gücünü artırdı. Əlbəttə ki, iki ölkənin müxtəlif istiqamətlərdə güclənməsi bir-birini çox narahat edir. Bu narahtlıq ölkələr arası gərginliyə səbəb olur”.

Politoloq Cənubi Qafqazda ABŞ - Rusiya toqquşmasının yaşanma ehtimalının olduğunu bildirib:

“Cənubi Qafqzazda ABŞ - Rusiya toqquşması kifafəyət qədər ciddi bir məsələdir. Artıq Şərqi Avropadan sonra növbə Cənubi Qafqazındır. ABŞ-ın Rusiya sülhməramlılarının Qarabağa yerəşdirilməsi ilə bağlı neqativ fikirləri də onu göstərir ki, Bayden hakimiyyətə gəldikdən sonra Cənubi Qafqazla bağlı prinsipial mövqeyini nümayiş etdirəcək”.