Xəbər verdiyimiz kimi, iyul ayının 3-də, saat 20:30 radələrində Gəncə Şəhər İcra Hakimiyyətinin başçısı Elmar Vəliyev və onun mühafizəçisi Qasım Aşbazova İcra Hakimiyyətinin inzibati binasının qarşısında odlu silahdan atəş açılıb. İcra başçısı və mühafizəçisinə atəş açan şəxs 1983-cü ildə Gəncə şəhərində anadan olmuş Yunis Səfərovdur. Onun həyat yoldaşı “Youtube”da video yayaraq Yunis Səfərovun İmam Hüseynin intiqamını aldığını və Elmar Vəliyevin gəncəliləri təhqir etdiyinə görə güllələdiyini bildirib.

Sosial şəbəkələrdə bir qrup şəxs insanlara çağırış edərək onları aksiyaya dəvət edirlər. Belə ki, onlar iyulun 10-da saat 20:00-da Gəncə İcra Hakimiyyətinin qarşısında aksiya edəcəklərini bildirirlər. Gəncəli gənclərin də bir çoxu öz şəxsi səhfələrində insanlara müraciət edərək bu cür radikal qrupların çağırışına məhəl qoymamağı və ölkədəki sabitliyin qorunub saxlanılmasının vacib olduğunu bildirirlər.

Məsələ ilə bağlı Gəncə İcra Hakimiyyəti ilə əlaqə saxlasaq da suallarımızı cavablandıran olmayıb.

Daxili İşlər Nazirliyinin mətbuat xidmətindən BiG.AZ-a verilən məlumata görə, istənilən qanunsuz keçirilən, vətəndaşlarımızın narahatçılığına səbəb olan və ictimai sabitliyin pozulmasına yönələn hər bir aksiyanın qarşı polis tərəfindən alınacaq. Oxu24.com