Böyük Britaniya Kiyev hakimiyyətinə "ölümcül" Hellfire raketləri ilə silahlanmış Apaçi hücum helikopterlərini göndərəcək, The Mirror qəzeti yazır.

“Apache oyunu dəyişdirəcək. Tanklar əvvəlcə gələcək və helikopterlərin yerləşdirilməsinə qədər bir az vaxt lazımdır. NATO-nun digər üzvləri də bundan sonra eyni addımı atacaqlar” dedi.

Qeyd olunur ki, Ukraynaya 4-ə qədər helikopter gətiriləcək. Materialda bildirilir ki, Apache AH64 E "birdən çox hədəfi saniyələr ərzində məhv etməyə" qadir olan ən təkmil versiyadır. Hər bir helikopter 16 Hellfire tank əleyhinə mərmi, 76 70 mm Hydra raketi və 30 mm zəncirli silahla silahlana bilər.

Nəşrin yazdığına görə, bir təyyarənin qiyməti təxminən 70 milyon funt-sterlinqdir və onu döyüşə hazır vəziyyətdə saxlamaq üçün iki pilot və bir texniki heyət lazımdır. Ukraynalı pilotların Britaniya ərazisində təlim keçəcəyi, qonşu ölkədə, məsələn, Polşada texniki xidmət bazasının yaradılması gözlənilir.

Bundan əvvəl Böyük Britaniya Ukraynaya 14 ağır "Challenger 2" tankı və 30-a yaxın AS90 155 mm özüyeriyən artilleriya qurğusu tədarük etdiyini açıqlamışdı. Bildirilib ki, yaxın günlərdə ukraynalı hərbçilər üçün onlara verilən tank və haubitsalardan istifadə üzrə təlim kursu başlayacaq.