İki il əvvəl, noyabrın 2-si Vətən müharibəsinin 37-ci günü idi.

Oxu24.com-un  məlumatına görə, Vətən müharibəsinin 37-ci günündə Ermənistanla Azərbaycan şərti dövlət sərhəd xəttində qızğın döyüşlər gedir.

Dik yamaclar, çətin relyef döyüş imkanlarını nə qədər məhdudlaşdırsa da, hərbçilərimizin şücaəti və təcrübəsi öz sözünü deyir.

Əməliyyatların getdiyi ərazi elə bir nöqtədir ki, döyüş meydanını İranla metrlər məsafə ayırır. Yanlış atılan bircə mərmi İran ərazisinə düşməklə əməliyyat şəraitinə təsir edə bilər, eyni zamanda, Ermənistanın aylardır döyüşləri öz ərazisinə çəkmək niyyəti reallaşa bilərdi. Buna görə 3 nöqtədə bütün silahlar  nöqtə atışı prinsipi ilə icra olunur.

Ermənistan ordusu isə çıxış yolları axtarır. Onlar düşünürlər ki, əməliyyatları Ağdam cəbhəsinə keçirməklə buradan geri manevr edə bilərlər. Mina xəttində keçidlər açan düşmən qəfil hücuma keçir.

24 oktyabrdan başlayan Şuşa əməliyyatı ilə isə xüsusi təyinatlılarımız addım addım şəhərə yaxınlaşırdı.

Noyabrın 2 -si xüsusi təyinatlılar sadəcə şəhərin müşahidəsini apararaq gecəni gözləyirlər. Elə bununla da Ermənistan ordusu üçün növbəti səhər heç də yaxşı açılmır.

Xezerxeber.az mövzu ilə bağlı daha ətraflı videomaterialı təqdim edir: