''Günel Həsənlinin müraciəti əsasında araşdırma gedir''.

Bizim.Media xəbər verir ki, bunu Azadlıq Radiosuna Daxili İşlər Nazirliyinin mətbuat xidmətinin şöbə rəisi Elşad Hacıyev bildirib. Onun sözlərinə görə məsələ ilə bağlı araşdırma aparılır.

"Müraciət edib, araşdırma aparılır. Araşdırmanın nəticəsi barədə özünə məlumat veriləcək. Əlavə şərhim yoxdur".

Günel Həsənlinin şəxsi həyatı ilə bağlı videolarda adı keçən və Mahir Allahverdiyev kimi təqdim olunan şəxslə də əlaqə saxlanılıb. O, ünvanına səslənən ittihamlarla bağlı suala belə cavab verib:

"Sizə kim ixtiyar verib bu nömrəni yığmağa? Qarşı tərəf deyirsizsə, hüquq-mühafizə orqanları var.

Ora şikayət eləyiblər, Allah qoysa, açıqlama olacaq. Nə dəqiqədə bir məni yığırsız? Sizin kimi 300 nəfər yığır. Sağ olun...".

Qeyd edək ki, martın 29-da sosial şəbəkələrdə Günel Həsənlinin şəxsi həyatına aid videolar yayılıb.