Nazirlər Kabinetinin 23 dekabr 2020-ci il tarixli Sərəncamına uyğun olaraq, ölkədə karantin rejiminin sərtləşdirilməsi ilə əlaqədar sahibkarlıq subyektlərinə yenidən maliyyə dəstəyi göstərilməsi nəzərdə tutulub.

Lakin hələ də birdəfəlik ödəmədən səs-soraq yoxdur.

Sfera.az məsələnin nə yerdə olması ilə bağlı İqtisadiyyat Nazirliyi ilə əlaqə saxlayıb. İqtisadiyyat Nazirliyinin mətbuat xidmətinin rəhbəri Abbas Əliyev bununla bağlı məlumatın nazirliyin rəsmi saytında yerləşdirildiyini bildirib.

Lakin nazirliyin saytında nazirlik rəsmisinə ünvanladığımız sual öz əksini tapmayıb. Belə ki, saytda birdəfəlik ödəmə almaq üçün qeydiyyat linki və ödəmənin kimlərə şamil olunması ilə bağlı ümumi press-reliz yerləşdirilib.

Artıq bir aya yaxındır ki, işsiz qalan sahibkarlara yardımın nə zaman göstərilməsi isə hələ ki, sual altındadır...