Bloomberg yazır ki, gürcü milyarder Bidzina İvanişvilinin sərvəti rekord həddə çatıb.

Oxu24.com  xəbər  verir  ki, Dekabrın 27-də yenilənmiş məlumatlara görə, İvanişvilinin aktivləri 6,55 milyard dollar həcmində qiymətləndirilir ki, bu da Bloomberg-in 2013-cü ildə İvanişvilinin aktivləri ilə bağlı statistik məlumatları dərc etməyə başlamasından bəri ən yüksək göstəricidir.

Nəşrin məlumatına görə, 2023-cü ildə İvanişvilinin əmlakının dəyəri 17 faiz və ya 950 milyon dollar artıb, ən böyük aktivi nağd puldur.

Təkcə sənət kolleksiyası milyard dollar dəyərində qiymətləndirilir.

Bloomberg xatırladır ki, İvanişvili 1990-cı illərdə Rusiyada bir qrup dəmir filizi istehsalçıları, polad zavodları, banklar və daşınmaz əmlak yaratmaqla sərvət qazanıb.

O, əmlakının böyük hissəsini 2003-2006-cı illər arasında, qalanını isə 2012-ci ilin oktyabrında Gürcüstanın Baş Naziri seçilməzdən əvvəl satıb.

İndi İvanişvili Bloomberg-ə görə dünyanın ən varlı adamları siyahısında 396-cı yerdədir.

Müəllif: Nigar