Rusiyanın  Domodedovo hava limanı normal fəaliyyətini bərpa edib.

Oxu24.com  xəbər   verir  ki,bu barədə RİA Novosti-yə hava limanının mətbuat xidmətindən məlumat verilib.

"Domodedovo hava limanında uçuş xidməti normal qaydada davam edir", - mətbuat xidməti qeyd edib.

Mətbuat xidməti aydınlaşdırıb ki, yaxın vaxtlarda alternativ aerodromlara yönləndirilən bütün reyslər təyinat yerinə qaytarılacaq.

Dekabrın 19-da günortadan sonra Domodedovo hava limanında təyyarələrin gəlişi və gedişi ilə bağlı müvəqqəti məhdudiyyətlər tətbiq edilib.

Altı təyyarə alternativ aerodromlara yönləndirilib. Bundan əlavə, paytaxtın Vnukovo, Domodedovo və Jukovski hava limanlarında “Xalça” planı tətbiq edilib.

Bundan əvvəl Rusiyanın hava hücumundan müdafiə sistemləri Ukrayna Silahlı Qüvvələrinin pilotsuz uçan aparat vasitəsilə Moskva yaxınlığında terror aktı törətmək cəhdini dayandırmışdı.

Müdafiə Nazirliyinin məlumatına görə, Ukrayna tərəfi Moskva vilayətinin Odintsovo rayonu üzərində məhv edilmiş təyyarə tipli pilotsuz təyyarə ilə paytaxta hücum etməyə cəhd edib.

İlkin məlumatlara görə, PUA-nın qalıqlarının düşdüyü yerdə dağıntı və tələfat qeydə alınmayıb.

Müəllif:Afət