Son zamanlar NATO-ya üzv ölkələrin fəallığı nəzərəçarpacaq dərəcədə artıb və ABŞ hökuməti öz hərbi personalını Rusiya sərhədlərinə yerləşdirib.

Oxu24.com  xəbər verir ki, bu barədə Rusiya prezidenti Vladimir Putin məlumat verib.

Çərşənbə axşamı, dekabrın 19-da dövlət başçısı ölkənin Müdafiə Nazirliyinin kollegiya iclasında iştirak edib.

O, çıxışı zamanı Şimali Atlantika Alyansının hərbi blok kimi fəallığının kəskin artdığını bəyan edib.

"ABŞ-dan əhəmiyyətli qüvvələr, o cümlədən təyyarələr sərhədlərimizə yerləşdirilib, Şərqi və Mərkəzi Avropada alyansın qoşunlarının sayı artıb", - Rusiya lideri bildirib.

Həmçinin tədbir zamanı Putin qeyd edib ki, Qərb dövlətləri Rusiya Federasiyasına qarşı hibrid müharibə aparmağa davam edir.

Dövlət başçısının dediyi kimi, bu qarşıdurma Ukraynanı silah və kəşfiyyat məlumatları ilə təmin etməkdən gedir.

Dekabrın 18-də Rusiyanın xarici işlər naziri Sergey Lavrov Birinci Kanalda yayımlanan “Böyük oyun” proqramına müsahibə verib. Daha sonra xarici siyasət idarəsinin rəhbəri Moskvanın sərhədləri pozmağı və NATO-ya üzv ölkələrə hücum etməyi planlaşdırmadığına diqqət çəkib.

Bundan əvvəl Rusiya prezidenti Vladimir Putin NATO-nu “ABŞ-ın arxa bağçası” adlandırmışdı.

Müəllif: Nigar