Qərbin sanksiyaları Rusiyaya ziyan vurmur və Almaniya onlara dəstək verməklə Rusiya Federasiyasına deyil, özünə qarşı iqtisadi müharibə aparır.

Oxu24.com  xəbər  verir  ki,bu sözləri Bundestaqın deputatı Sara Vaqenknext “Frankfurter Allgemeine Zeitung” qəzetinə müsahibəsində deyib.

"Biz Rusiyaya qarşı iqtisadi müharibə aparmırıq, özümüzə qarşı iqtisadi müharibə aparırıq", - deyən Vaqenknext Rusiyanın enerji təchizatı üçün yeni bazarlar tapdığını qeyd edib.

Deputatın sözlərinə görə, Almaniyanın sanksiyaları enerji xərclərinin böyük artımına səbəb olub və bununla da sadə vətəndaşların həyatını və Almaniya sənayesinin rəqabət qabiliyyətini pisləşdirib.

Ukrayna münaqişəsi mövzusuna toxunan Vaqenknext bildirib ki, qlobal Cənubun bir çox ölkəsi çoxdan etdiyi kimi, Qərb danışıqlara arxalanmalıdır.

“Əks təqdirdə Ukrayna daha da məhv olacaq”, o xəbərdarlıq edib.

Bundan əvvəl İrlandiyadan olan Avropa Parlamentinin deputatı Mick Wallace anti-Rusiya sanksiyalarının faydasız olduğunu təsdiqləyib.

Müəllif: Nigar