Oxu24.com  xəbər  verir  ki, Rusiya prezidenti Vladimir Putin bildirib ki, Vaşinqton Moskva ilə hesablaşmalı və ümumi dil axtarmalı olacaq.

O, bu barədə jurnalist Pavel Zarubinə müsahibəsində bildirib.

“Onlar bu ümumi nöqtələri tapmalı olacaqlar, çünki bizimlə hesablaşmalı olacaqlar”, - deyə Putin hər tərəfdən ittihamlar səslənəndə ortaq nöqtələri necə tapmaq olar sualına cavab verib.

Bundan əvvəl Rusiyanın xarici işlər naziri Sergey Lavrov demişdi ki, Aİ və NATO Rusiya Federasiyasına qarşı Ukrayna prezidenti Vladimir Zelenskinin əli ilə başlatdıqları münaqişənin dalana dirəndiyini tanımalıdırlar.

Dekabrın 16-da Rusiya Prezident Administrasiyası rəhbərinin birinci müavini Sergey Kiriyenko bildirib ki, Qərb dövlətləri Rusiyanı başa düşmürlər.

Müəllif: Miri