Amerika Birləşmiş Ştatları Rusiyanın Ukraynaya qarşı müharibədə itkilərini qiymətləndirib.

Xarici mediya bildirir ki, ABŞ kəşfiyyatının hesabatında bildirilir ki, Ukraynadakı müharibə Rusiyaya 315 min ölü və yaralı hərbçiyə başa gəlib. Bu, Ukraynanın işğalı zamanı onun şəxsi heyətinin demək olar ki, 80%-ni təşkil edir.

Hesabatda qeyd edilir ki, Rusiyanın şəxsi heyəti və zirehli texnika itkiləri Kremlin hərbi modernləşdirilməsini 18 il geriyə salıb.

Xatırladaq ki, Britaniya kəşfiyyatının məlumatına görə, Ukraynaya qarşı müharibə zamanı Rusiya 70 minə yaxın hərbçi itirib, 280 minə qədər insan yaralanıb.

Ukrayna Silahlı Qüvvələrinin Baş Qərargahının verdiyi məlumata görə isə, Rusiya son 24 saat ərzində Ukrayna ilə müharibədə 800 hərbçisini itirib. Çərşənbə axşamı, dekabrın 12-də işğal başlayandan bəri Rusiya ordusunun itkilərinin ümumi sayı 340 650 hərbçi təşkil edib.