İsrail Müdafiə Qüvvələri (İDF) İordan çayının qərb sahilinin Cenin şəhərindəki qaçqın düşərgəsinə və dövlət xəstəxanasına hücum edib.

Oxu24.com   xəbər  verir  ki,bu barədə Livanın “Al Mayadeen” telekanalı məlumat yayıb.

Telekanalın məlumatına görə, İsrail əsgərləri Cenindəki qaçqın düşərgəsini mühasirəyə alaraq bütün giriş-çıxışları ağır hərbi texnika ilə bağlayıb.

İDF snayperləri ətrafdakı binaların damlarında mövqe tutublar.

Al Mayadeen həmçinin düşərgəyə basqın edən əsgərlərlə Fələstin müqavimət qüvvələri arasında toqquşmaların olduğunu bildirir.

Həmçinin, Al Mayadeen-in məlumatına görə, İsrail hərbi texnikası Cenindəki Əl-Razi dövlət xəstəxanasını mühasirəyə alıb.

Oktyabrın 7-də Qəzza zolağından minlərlə Həmas yaraqlısının İsrailə sızmasından sonra Yaxın Şərqdə vəziyyət pisləşib. İki yüzdən çox girov əsir götürüldü.

Bu gün HƏMAS İsrailə bir neçə min raket atdı və Əl-Əqsa Tufanı əməliyyatının başladığını elan etdi. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb.

Livanın şiə təşkilatı Hizbullah HƏMAS-a dəstək ifadə edib. Hər iki tərəfdən İsrail və Livana raket hücumları başlayıb. Oktyabrın 19-da günorta saatlarında İsrail ordusu ölkənin sərhədyanı rayonlarının Livan ərazisindən atəşə tutulduğunu elan edib. İDF-nin məlumatına görə, Kibbutz Manara istiqamətinə bir neçə tank əleyhinə raket atılıb.

“Bloomberg” ekspertlərə istinadən xəbər verir ki, Livanın şiə təşkilatı “Hizbullah” İsrailin Yaxın Şərqdə münaqişəyə girəcəyi təqdirdə “Dəmir Qübbə” raketdən müdafiə sistemini sıxışdıra biləcək.

Bundan əvvəl İsrail Hizbullahın müharibəyə mümkün girməsini “ölümcül səhv” adlandırmışdı.

Müəllif: Nigar