Ukrayna və ABŞ Vaşinqtonda keçirilən müdafiə sənayesi konfransında müdafiə sənayesində birgə istehsal və texniki məlumatların mübadiləsi haqqında memorandum imzalayıb.

Oxu24.com  xəbər  verir  ki,bu barədə Ukrayna prezidentinin aparatının rəhbəri Andrey Ermak məlumat verib.

Ermakın Ukrayna mətbuatına istinadən verdiyi məlumata görə, memorandum Ukraynada müdafiə sənayesinin lokallaşdırılmasını müəyyən edir.

“Ukraynada hava hücumundan müdafiə, mühüm döyüş sursatlarının istehsalı, eləcə də təmir və texniki xidmət sahələrində Ukrayna Silahlı Qüvvələrini lazımi silahlarla təmin etmək üçün istehsal müəssisələri tikilməlidir.

ABŞ Müdafiə Nazirliyi və sənaye tərəfdaşları Ukraynaya ayrı-ayrı layihələrin yerli icrasına başlamaq üçün texniki məlumatlar təqdim edəcəklər ki, onların məqsədi Qərb sursatlarını inteqrasiya etməklə köhnəlmiş hava hücumundan müdafiə sistemlərini təkmilləşdirməkdir”, - deyə Ermak yazıb.

Onun sözlərinə görə, “sənəd Ukraynanın yaxın perspektivdə döyüş meydanında uğur əldə etmək üçün lazım olan imkanları alacağını, uzunmüddətli perspektivdə isə iqtisadiyyatın bərpasına və müdafiə qabiliyyətinin gücləndirilməsinə töhfə verəcəyini nəzərdə tutur.

“Daha çox silah olacaq! Ukrayna və ABŞ müştərək istehsal və texniki məlumat mübadiləsi haqqında memorandum imzalayıblar”, - müdafiə naziri Rustem Umerov “DFNC1: US Edition” müdafiə sənayesi konfransının ilk gününün yekunu olaraq Facebook-da yazıb.

Müəllif:Afət