Rusiyanın Urals markalı xam neftinin qiyməti qlobal neft qiymətlərinin düşməsi fonunda iyul ayından bu yana ilk dəfə olaraq G7 tavanının 60 dollardan aşağı düşüb.

Oxu24.com  xəbər  verir  ki,bu barədə Bloomberg məlumat yayıb.

Rusiyanın da daxil olduğu OPEC+-ın 2024-cü ilin birinci rübündə hasilatı azaltmaq qərarına baxmayaraq,

Ural neftinin dəyəri istinad qiymətlərinə nisbətən endirim səbəbindən azalmağa davam edir.

Bu arada Qərb ölkələri Dubayda səkkiz tanker və bir neft treyderinə məhdudiyyətlər tətbiq edərək, sanksiyaların tətbiqini gücləndirib. İyul ayından bu yana Rusiya neftinin bütün əsas tədarükləri ABŞ və G7-nin Rusiya neft gəlirlərini məhdudlaşdırmaq cəhdlərinə baxmayaraq, 60 dollardan yuxarı alınıb.

Arqusun fikrincə, ixrac və idxal qiymətləri arasında uçurum getdikcə genişlənir və bu, mənfəətin artan payının anonim vasitəçilər və daşıyıcıların payına düşdüyünü göstərir.

Bloomberg-in məlumatına görə, bir gün əvvəl məlum oldu ki, Rusiyanın oktyabr ayında neft satışından əldə etdiyi gəlir 11,3 milyard dollara çatıb. Bu məbləğ bütün federal büdcə gəlirlərinin 31%-ni təşkil edib və sanksiyadan əvvəlki dövrün göstəricilərini üstələyib.

Agentlik belə nəticələri Qərbin neft embarqosunda “çuxur” adlandırıb, çünki Rusiya Federasiyası ixracı qoruyub saxlaya bilib və qiymətləri artırıb. Məsələn, neft Hindistana bir barel üçün 72 dollardan tədarük edilib.

Bundan əvvəl ABŞ G7-ni Rusiyanın neft ixrac imkanlarını məhdudlaşdırmağa çağırmışdı.

Müəllif: Nigar