Rusiya sənayesi təyyarələr üçün kriogen hibrid elektrik mühərriki sistemi hazırlayacaq, bu qurğunun nümayişi yaxın illərdə yaradılacaq.

Oxu24.com  xəbər verir ki, bunu Rusiyanın baş naziri Mixail Mişustin “Bilik” layihəsi çərçivəsində mühazirə ilə çıxış edərkən bildirib.

"Gələcək illərdə maye hidrogendən istifadə edən kriogen hibrid elektrik mühərriki nümayiş etdiricisini hazırlamaq və sınaqdan keçirmək planları var",-deyə o bildrib.

Mişustin əlavə edib ki, aşağı temperatur sayəsində çəki və ölçü xüsusiyyətlərini saxlamaqla köməkçi enerji blokunun elektrik komponentlərinin gücünü demək olar ki, on dəfə artırmaq mümkün olacaq.

Tədbir zamanı baş nazir sanksiyaların yerli aviasiya sənayesinə təsirini də qiymətləndirib.

Onun sözlərinə görə, məhdudiyyətlər Rusiyada sənayenin dirçəlişini sürətləndirməyə imkan verib. Hazırda ölkənin regional və uzaq məsafələrə uçuşlar üçün ehtiyac duyduğu təyyarələrin tam xətti yaradılır.

Mişustin bir müddət əvvəl Rusiyada yaxın illərdə nə qədər elektromobil istehsal ediləcəyini bildirmişdi.

Müəllif: Miri