Yaşayış icazəsi  olan Belarus vətəndaşı 20 il əvvəl hərbi xidmətə görə Litvadan qovulub.

Oxu24.com  xəbər  verir   ki,bu barədə Sputnik Latviya məlumat yayıb.

Belarus vətəndaşı olan Aleksey 2006-cı ildən Litvada yaşayırdı və daimi olaraq yenilənən müvəqqəti yaşayış icazəsi var idi. Özü də Litva vətəndaşı ilə ailə qurub, iki uşaq atası olub.

Lakin 2023-cü ildə Miqrasiya Departamenti əvvəlcə onun yaşayış icazəsinin 9 ay müddətinə uzadılması ilə bağlı müraciətinə baxıb, sonra isə Dövlət Təhlükəsizliyi Departamentinin rəyi əsasında bu müddətin uzadılmasından imtina edib.

Belarusiyalı Litvanın təhlükəsizliyinə təhdid kimi tanınıb və ona 30 ay müddətinə ölkəyə giriş qadağan edilib.

Miqrasiya Departamenti hesab edib ki, Aleksey Belarus ordusunda xidmət etdiyi və sonra müqavilə əsasında xidmət etdiyi üçün “Belarusun Litvaya qarşı təcavüzkar siyasətini” dəstəkləyir.

Rəsmilər onu da qeyd ediblər ki, Belarus vətəndaşı daimi yaşayış icazəsi və ya Litva vətəndaşlığı üçün müraciət etməyib.

Onların fikrincə, bu, “Litva cəmiyyətinə kifayət qədər inteqrasiya olunmaması və insanların öz gələcəyini Litva ilə əlaqələndirməməsi faktıdır”.

Bundan əvvəl Litva Seymi Belarus vətəndaşlarının əksəriyyətinə yaşayış icazəsinin verilməsini qadağan etməyi təklif etmişdi.

Həmçinin Xarici İşlər Nazirliyi vizanın alınması prosesində vasitəçi kimi çıxış etmədiyi təqdirdə ruslar və belaruslar üçün viza müraciətlərinin qəbulunun dayandırılması təklif edilir.

Müəllif: Nigar