Yaxın Şərqdə vəziyyət ABŞ-ın xeyrinə deyil, amerikalılardan müstəqil və İsrailə düşmən olan qüvvələrin xeyrinə dəyişir.

Oxu24.com xəbər  verir  ki,Bunu İranın ali dini lideri Ayətullah Əli Xamenei deyib.

Onun sözlərini İranın İRNA agentliyi yayıb.

“Bu regionda tədricən suverenlik əldə edən bu yeni xəritə bir neçə xüsusiyyətə malikdir. Onun ilk xüsusiyyəti Amerikasızlaşmadır”, - Xamenei bildirib.

Onun fikrincə, “Amerikasızlaşma” termini mütləq Yaxın Şərq dövlətləri ilə ABŞ arasında münasibətlərin tamamilə kəsilməsini nəzərdə tutmur, sadəcə olaraq “Amerikanın regionda hökmranlığının tədricən zəifləməsi” deməkdir.

Bundan əvvəl respublikaçı senator Tom Kotton ABŞ prezidenti Co Baydenin Yaxın Şərqdə İrana qarşı yanlış siyasət yürütdüyünü bildirmişdi.

Onun sözlərinə görə, təkcə son bir ay ərzində Tehran regionda 70-ə yaxın Amerika mövqeyinə hücum edib, lakin Vaşinqtondan adekvat cavab almayıb.

Bundan əvvəl ABŞ İranla münaqişənin mümkünlüyündən danışmışdı.

Müəllif: Miri