Tula vilayətinin qubernatoru Aleksey Dyumin bildirib ki, vurulmuş PUA Tulada yaşayış binasının üzərinə düşüb.

Oxu24.cəm  xəbər   verir   ki,bu barədə Tula vilayəti hökumətinin Telegram kanalı məlumat yayıb.

Dyumin bildirib ki, Ukraynaya məxsus iki pilotsuz uçan aparat Tula vilayəti üzərində məhv edilib - onlar Rusiya ordusunun hava hücumundan müdafiə qüvvələri tərəfindən vurulub.

“Onlardan biri idarəetməni itirərək Tulada yaşayış binasına çırpılıb. Ciddi dağıntı olmasa da, üç mənzilin şüşələri zədələnib. Ev sakinlərindən biri yüngül kəsilmiş yara alıb. Ona tibbi yardım göstərilib”, - Dyumin bildirib.

Qubernator onu da bildirib ki, yaxın vaxtlarda zərər çəkmiş mənzillərin şüşələnməsi də təşkil olunacaq.

Rusiya Müdafiə Nazirliyinin məlumatına görə, hava hücumundan müdafiə sistemləri Rusiyanın Mərkəzi Federal Dairəsinin (CFD) dörd regionunun: Moskva, Tula, Kaluqa və Bryansk vilayətlərinin ərazisi üzərində Ukraynaya məxsus doqquz təyyarə tipli pilotsuz təyyarəni uğurla vurub.

Bundan əvvəl Moskva meri Sergey Sobyanin bildirmişdi ki, Ukraynanın pilotsuz təyyarəsinin Moskvaya növbəti hücumu dəf edilib - PUA-lardan biri Ramenskoye səmasında vurulub.

Bundan əvvəl Rusiya pilotsuz təyyarələrin qarşısının alınması üçün yeni sistem yaratmışdı.

Müəllif:Nigar