İsrailin müdafiə naziri Yoav Qalant Qəzza zolağına səfəri zamanı bildirib ki, Fələstinin radikal HƏMAS hərəkatının saxladığı bütün girovlar azad edilməyincə İsrail hərbçiləri anklavı tərk etməyəcəklər.

Oxu24.com  xəbər  verir  ki,bu barədə TASS məlumat yayıb.

"Biz bütün girovları qaytaracağımız vəziyyətə çatana qədər Qəzzanı tərk edib müharibəni dayandıra bilmərik - və daha çoxları var",-deyə  o  bildirib.

Onun sözlərinə görə, hazırkı humanitar pauza uzun çəkməyəcək və HƏMAS ilə gələcək danışıqlar hərbi əməliyyatlar kontekstində davam etdiriləcək.

Bundan əvvəl məlum olub ki, Fələstinin radikal Həmas qruplaşmasının hərbi qanadı Əl-Qəssam Briqadaları, onların sözlərinə görə, İsrail tərəfinin tələblərə əməl etməməsi səbəbindən ikinci qrup israilli girovların azad edilməsini təxirə salıb.

İsrail Xarici İşlər Nazirliyinin sözçüsü Lior Ben-Dor İsrailin Qəzzada atəşkəs razılaşmasının şərtlərini pozmadığını bildirib.

Bundan əvvəl Qətər nümayəndə heyəti Qəzzada atəşkəsin uzadılmasını müzakirə etmək üçün İsrailə səfər edib.

Müəllif:Afət