İsrail hərbçiləri Livandan pilotsuz təyyarəyə atılan “yer-hava” tipli raketi vurub.

Oxu24.com xəbər  verir   ki,bu barədə TASS məlumat yayıb.

Qeyd olunur ki, İsrail hərbçiləri pilotsuz uçan aparatı vura bilməyib və o, missiyanı davam etdirə bilib.

Lakin bundan sonra İsrail səmaya qalxaraq Hizbullah hərəkatının infrastrukturuna hücum edib.

Bundan əvvəl Livanda HƏMAS-ın hərbi qanadının komandir müavininin məhv edildiyi bildirilirdi.

Həmin şəxsin Sur şəhərində hücuma məruz qalan avtomobildə olduğu qeyd edilir.

İsrail Müdafiə Qüvvələrinin sözçüsü hücumu təsdiqləyib.

Onlar Livandan İsrailə edilən hücumların arxasında həmin şəxsin olduğunu bildiriblər.

Oktyabrın 7-də HƏMAS Əl-Əqsa daşqını əməliyyatına başladığını elan etdikdən sonra Qəzza zolağından minlərlə HƏMAS yaraqlısının İsrailə sızmasından sonra Yaxın Şərqdə vəziyyət gərginləşib. Buna cavab olaraq İsrailin baş naziri Benyamin Netanyahu ölkənin müharibə vəziyyətində olduğunu açıqlayıb.

İsrailin “Dəmir Qılınclar” əməliyyatının cavab məqsədi hücumu dəf etmək, xaricilər də daxil olmaqla 200-dən çox girovu azad etmək və HƏMAS-ı məhv etmək olub. Bu məqsədə çatmaq üçün İsrail əməliyyatın ilk günündən Qəzza zolağına kütləvi raket hücumları həyata keçirib. Eyni zamanda, İsrail Milli Təhlükəsizlik Şurası sektora su, ərzaq, mal, elektrik və yanacaq tədarükünün dayandırılmasına qərar verib. Qəzzaya humanitar yardımların çatdırılması yalnız oktyabrın 20-dən sonra Rəfah keçid məntəqəsi vasitəsilə həyata keçirilməyə başlayıb və onların həcmi qeyri-kafi adlandırılıb.

Netanyahu daha əvvəl Həmas ilə girov danışıqlarında irəliləyiş olduğunu açıqlamışdı.

Müəllif:Nigar