Oxu24.com xəbər  verir  ki,Fələstin Qızıl Aypara Cəmiyyəti (PRCS) sosial şəbəkə hesabında bildirib ki, Qəzza şəhərinin Əl-Şifa xəstəxanasından anklavın cənubundakı yaralılar və xəstələr də daxil olmaqla 190 nəfər təxliyə edilib.

“Bu gün Fələstin Qızıl Aypara Cəmiyyəti və Birləşmiş Millətlər Təşkilatının qrupları 190 yaralı və xəstəni, onları müşayiət edən şəxsləri və bir sıra tibbi qrupları Qəzza şəhərindəki Əl-Şifa xəstəxanasından Qəzza zolağının cənubundakı digər xəstəxanalara təxliyyə edib”, - deyə məlumatda bildirilir.

Cəmiyyət yaralıların və tibb işçilərinin hələ də xəstəxanada olduğunu qeyd edib.

Yaralılar Xan Yunisdəki Avropa Xəstəxanasına, dializdə olan xəstələr isə Rəfahdakı Əbu Yusif əl-Nəccar xəstəxanasına köçürülüb.

Təxliyyə əməliyyatına Qızıl Ayparanın 14 təcili yardım maşını, BMT-nin iki avtobusu və digər maşınlar cəlb olunub.

Qəzza zolağının şimal və cənub hissələrini ayıran nəzarət-buraxılış məntəqəsindən keçərkən konvoyun bloklandığı və geniş axtarışlara məruz qaldığı və yaralıların və xəstələrin həyatını riskə atdığı üçün təxliyyə prosesi təxminən iyirmi saat davam etdi.

Bundan əvvəl İsrail hərbçiləri Əl-Şifa xəstəxanasının altında 55 metrlik tunel aşkarlandığını açıqlamışdı.

Əvvəllər Qəzza zolağından qaçan ruslar döyüş bölgəsindəki həyatdan danışıblar.

Müəllif:Nigar