Suriyanın şimal-şərqindəki ABŞ hərbi bazasına pilotsuz uçuş aparatı (PUA) vasitəsilə hücum edilib.

Oxu24.com  xəbər  verir  ki,bu barədə “Al Mayadeen” telekanalı məlumat yayıb.

Jurnalistlər qeyd ediblər ki, baza Həsəkə şəhərinin qərbində, Tel əl-Beydarda yerləşir.

Bundan əvvəl İraq İslami Müqaviməti ABŞ-ın Suriyadakı bazasına hücum edib.

Təşkilatın məlumatına görə, hücum ABŞ-ın dəstəklədiyi “İsrail ordusunun Qəzza zolağında Fələstin xalqına qarşı cinayətlərinə” cavabdır.

Noyabrın 13-də Suriyanın şimal-şərqindəki Rumeylan şəhəri yaxınlığında ABŞ Silahlı Qüvvələrinə məxsus hərbi bazanın ərazisində iki partlayışın baş verdiyi bildirilir. “Şam FM” radiostansiyasının məlumatına görə, bazaya iki pilotsuz uçuş aparatı tərəfindən hücum edilib. Dəymiş ziyanla bağlı hələlik məlumat yoxdur.

Müəllif:Afət